«Barys» komandasy búgin elordada «Avangardpen» kezdesedi
17:06, 28 Jeltoqsan 2023
<p>Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn elordada Reseıdiń «Avangard» (Omby) komandasyna qarsy ótkizedi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>
Kezdesý búgin, 28 jeltoqsan kúni, elorda ýaqytymen saǵat 19:30–da bastalyp, «Qazsport» telearnasynan tikeleı efırde kórsetiledi.
Eki komanda buǵan deıin 74 márte kezdesti.
Onyń 25-i elordalyq klýbtyń basymdyǵymen aıaqtalsa, qalǵanynda reseılik komanda jeńiske jetti.
Týrnır kestesinde «Barys» 43 oıynnan keıin 33 upaımen 23-orynda tur.
Al «Avangard» 42 oıynnan keıin 59 upaımen 6-orynda keledi.
Aıta ketsek, astanalyq klýb bıylǵy maýsymdy sátsiz ótkizip keledi.
Sońǵy 10 oıynnyń nebári tórteýinde jeńiske jetti.
Eske salsaq, budan buryn «Barys» hokkeıshileri elordada «Sochıdi» jeńdi.