Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn Reseıde «Ak Bars» (Qazan) komandasyna qarsy ótkizedi, dep habarlaıdy Kazinform.
Kezdesý búgin, 9 qańtar kúni, elorda ýaqytymen saǵat 22:30-da bastalyp, «Qazsport» telearnasynan tikeleı efırde kórsetiledi.
Eki komanda buǵan deıin 51 márte kezdesti. Onyń 11-i elordalyq klýbtyń basymdyǵymen aıaqtalsa, qalǵanynda reseılik komanda jeńiske jetti.
Týrnır kestesinde «Barys» 48 oıynnan keıin 39 upaımen 19-orynda tur. Al, «Ak Bars» 47 oıynnan keıin 56 upaımen 12-orynda keledi.
Elordalyq klýb sońǵy 10 oıynnyń altaýynda qarsylastaryna ese jiberdi.
Eske salsaq, budan buryn «Barys» qatarynan ekinshi márte jeńilip qalǵanyn jazǵan bolatynbyz.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.