«Barys» klýby quramynan birqatar sheteldik oıynshylar ketti
«Barys» sapynan qorǵaýshy Natan Bole men Ýıll Býtcher, shabýylshy Maıkl Maklaýd qosh aıtysty. Úsh hokkeıshi de komanda quramyn jaz mezgilinde tolyqtyrǵan edi.
Qurlyqtyq hokkeı lıgasynda Natan Bole 8 oıynda bir nátıjeli paspen kózge tússe, Ýıll Býtcherdiń 15 oıynda 3 nátıjeli pasy tirkeldi.
Al Maıkl Maklaýd 16 kezdesýde 3 márte gol soqsa, 3 márte áriptesterine nátıjeli pas shyǵaryp berdi.
Aıta ketsek, budan buryn elordalyq klýb reseılik Danııl Apalkov jáne belarýstik Vladıslav Kodolamen kelisim-shart buzylǵanyn habarlady.
Eske salsaq, 17 qazanda «Barys» hokkeı komandasynyń bas dırektory qyzmetine Nurlan Orazbaev taǵaıyndaldy.
Sondaı-aq Ǵalym Mámbetálıev «Barys» komandasyna bas bapker bolyp taǵaıyndaldy.
Endi elordalyq klýb 19 qazanda Reseıde «Lokomotıv» (ıAroslavl) klýbymen kezdesedi.