ASTANA. KAZINFORM — Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn elordada Reseıdiń «Lada» (Tolıattı) komandasyna qarsy ótkizdi.
Elordalyq klýb qatarynan úsh márte jeńilistiń aşy dámin tatyp, týrnır kestesindegi jaǵdaıyn qıyndatyp alǵan edi.
Saldarynan 49 oıynnan keıin 40 upaımen 19-orynda tur.
Foto: Vıktor Fedıýnın/KazinformSol sebepti qazaqstandyq klýb árbir oıynda jeńiske jetýdiń mańyzy zor bolatyn.
Kezdesý barysynda qos komanda belsendi bastady.
Oıynnyń 10-mınýtynda reseılik hokkeıshi Nıkıta Popýgaev soqqan gol «Lada» komandasyn alǵa shyǵardy.
Foto: Vıktor Fedıýnın/KazinformEkinshi kezeńde olardyń qatarynan Andreı Altybarmakıan 30, Troı Djozefs 38-mınýtta mergendik tanytty.
Osylaısha elordalyq klýb qarsylasyna 0:3 esebimen ese jiberdi.
Foto: Vıktor Fedıýnın/KazinformEndi «Barys» aldaǵy oıynyn 16 qańtarda elordada Reseıdiń «Salavat ıÝlaev» komandasyna qarsy ótkizedi.
Odan keıin 19 qańtarda TsSKA (Máskeý), 22 qańtarda «Avtomobılıst» (Ekaterınbýrg) klýbtarymen sheberlik baıqasady.
Foto: Vıktor Fedıýnın/Kazinform
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.