«Barys» qatarynan onynshy ret jeńildi

<p>ASTANA. KAZINFORM - Qazaqstandyq &laquo;Barys&raquo; komandasy búgin óz alańynda Qurlyqtyq hokkeı lıgasyndaǵy kezekti oıynyn Reseıdiń &laquo;Spartak&raquo; (Máskeý) komandasyna qarsy ótkizdi.&nbsp;</p>

Elordalyq komanda ótken týrda Reseıdiń SKA komandasynan jeńilip, resmı túrde pleı-off satysyna shyǵý múmkindiginen qol úzgen edi. Qatarynan toǵyz márte jeńilgen «Barys» ekinshi jyl qatarynan osylaısha Gagarın kýbogyna qatysýdan shet qalyp otyr. 

Al «Spartak» keıingi alty oıynnyń bireýinde ǵana jeńilistiń aşy dámin tatty. Nátıjesinde pleı-off joldamasyna erterek qol jetkizdi.

Soǵan qaramastan búgingi kezdesýdi máskeýlik klýb belsendi bastady. Oıynnyń 8-mınýtynda Aleksandr Pashın esep ashsa, Maksım Tsyplakov 14-mınýtta esepti eseledi.

Al Ansel Galımov 22-mınýtta «Barys» qaqpasynan taǵy bir márte sańylaý tapsa, elordalyq klýbtan Kırıll Savıtskıı 25-mınýtta esep aıyrmasyn qysqartty.

Oıynnyń 45-mınýtynda reseılik hokkeıshi Nıkolaı Goldobın «Spartaktyń» basymdyǵyn arttyrdy. Osylaısha elordalyq klýb qarsylasyna 1:4 esebimen ese jiberip, qatarynan onynshy márte jeńildi.

Endi «Barys» aldaǵy eki oıynyn 13 jáne 14 aqpanda Reseıde «Admıral» (Vladıvostok), 16 jáne 18 aqpanda «Amýr» (Habarovsk) komandalaryna qarsy ótkizedi.