«Barys» hokkeıshileri elordada «Sochıdi» jeńdi

<p>Qazaqstandyq &laquo;Barys&raquo; komandasy Qurlyqtyq hokkeı lıgasyndaǵy kezekti oıynyn elordada Reseıdiń &laquo;Sochı&raquo; komandasyna qarsy ótkizdi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Elordalyq hokkeıshiler bıylǵy týrnırdi sátsiz ótkizip júr. Saldarynan týrnır kestesinde 42 oıynnan keıin 31 upaımen 23-orynda tur. Oǵan qosa qatarynan jeńilistiń aşy dámin tatty.

Sol sebepti olar úshin búgingi kezdesýde jeńiske jetý óte qajet bolatyn.

Kezdesý basynda reseılik hokkeıshiler «Barys» qaqpasy mańynda shabýyl uıymdastyrdy. Oıynnyń 1-mınýtynda Djeremı Brakko elordalyq komanda qaqpasynan sańylaý tapty.

Al «Barys» sapynan Entonı Kamara – 3, Davıd Sklenıchka 25-mınýtta mergendik tanyty.

Oıynnyń 27-mınýtynda «Sochı» hokkeıshisi Kırıll Rasskazov tarazy basyn teńestirdi.

Úshinshi kezeńde komandalar bir-biriniń qaqpasyna gol soǵa alǵan joq.

Negizgi kezeń 2:2 esebimen teń aıaqtalyp, oıyn overtaımǵa ulasty. Overtaımda Arkadıı Shestakov gol soǵyp, «Barys» jeńiske jetti.

Endi elordalyq klýb aldaǵy oıynyn 28 jeltoqsanda elordada Reseıdiń «Avangard» (Omby) komandasyna qarsy ótkizedi.

Eske salsaq, budan buryn «Barys» qatarynan tórtinshi márte jeńilip qalǵanyn jazǵan edik.