ASTANA. KAZINFORM - Qazaqstandyq «Barys» komandasy búgin Qurlyqtyq hokkeı lıgasyndaǵy sońǵy oıynyn elordada «Sıbır» (Novosibir) komandasyna qarsy ótkizdi.
Kezdesý barysynda komandalar birinshi kezeńde bir-biriniń qaqpasynan sańylaý taba alǵan joq.
Ekinshi kezeńniń 26-mınýtynda elordalyq komandadan Arkadıı Shestakov kózdegen nysanadan múlt ketken joq.
Osylaısha «Barys» qarsylasynan 1:0 esebimen basym tústi. Nátıjesinde elordalyq komanda bıylǵy maýsymdy jeńispen aıaqtady.
Foto: Vıktor Fedıýnın / KazinformEki komanda buǵan deıin 54 márte kezdesken. Onyń 25-i elordalyq klýbtyń basymdyǵymen aıaqtalsa, qalǵan oıynda reseılik komanda jeńiske jetken.
Týrnır kestesinde «Barys» 66 oıynnan keıin 48 upaımen 22-orynda tur. Al «Sıbır 67 oıynnan keıin 67 upaımen 18-orynda keledi.
Foto: Vıktor Fedıýnın / KazinformAıta keteıik, astanalyq klýb sońǵy 10 oıynnyń toǵyzynda qarsylastaryna ese jiberdi.
Eske salsaq, budan buryn «Barys» elordada «Lada» komandasyna jol berdi.
Foto: Vıktor Fedıýnın / Kazinform
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.