«Barys» elordada «Avtomobılıst» komandasyna ese jiberdi

<p>ASTANA. KAZINFORM - Qazaqstandyq &laquo;Barys&raquo; komandasy Qurlyqtyq hokkeı lıgasyndaǵy kezekti oıynyn elordada Reseıdiń &laquo;Avtomobılıst&raquo; (Ekaterınbýrg) komandasyna qarsy ótkizdi.</p>

Elordalyq komanda pleı-off satysyna shyǵý múmkindigin áli de joǵalta qoıǵan joq. Sondyqtan olar úshin árbir oıynda jeńiske jetýge bar kúshin salatyny anyq.

«Barystyń» bas bapkeri Oleg Bolıakın búgingi kezdesýde qaqpany qorǵaýǵa qazaqstandyq Nıkıta Boıarkındi shyǵardy. Ol biraz ýaqyt boıy elordalyq klýbtyń qosalqy quramy retinde sanalatyn «Nomad» komandasy sapynda óner kórsetken edi.

Kezdesý barysynda reseılik klýb sapynan Stepan Hrıpýnov 15-mınýtta kózge tústi. Odan keıin komandalardyń esepti ózgertýge birneshe múmkindigi bolǵan. Dese de birinshi kezeńde tablodaǵy esepke ózgeris ene qoıǵan joq.

Oıynnyń 50-mınýtynda elordalyq klýbtan Portýs Oberg tarazy basyn teńestirse, odan keıin reseılik komandadan Kertıs Valk 52, Anatolıı Golyshev 56-mınýtta qaqpany dál kózdep, basymdyqty arttyrdy. Al 57-mınýtta «Barys» sapynan Krıstıan Henkel mergendik tanytty. Osylaısha elordalyq klýb qarsylasyna 2:3 esebimen jol berdi. 

Endi «Barys» aldaǵy eki oıynyn syrt alańda ótkizedi. Aldymen 24 qańtarda Reseıde SKA (Sankt- Peterbýrg) komandasymen kezdesse, odan keıin 26 qańtarda «Lada» (Tolıattı) klýbymen sheberlik baıqasady.

Eske salsaq, budan buryn «Barys» elordada TsSKA komandasyna ese jiberdi.