Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn elordada Reseıdiń «Sochı» komandasyna qarsy ótkizedi, dep habarlaıdy Kazinform.
Kezdesý búgin, 20 qazan kúni, saǵat 22:20-da bastalyp, «Qazsport» telearnasynan tikeleı efırde kórsetiledi.
Eki komanda buǵan deıin 18 márte kezdesti.
Onyń 11-i elordalyq klýbtyń basymdyǵymen aıaqtalsa, qalǵanynda reseılik komanda jeńiske jetti.
Týrnır kestesinde «Barys» 20 oıynnan keıin 16 upaımen 20-orynda tur. Al «Sochı» 20 oıynnan keıin 23 upaımen 9-orynǵa ornalasty.
Aıta keteıik, astanalyq klýb bıylǵy maýsymdy sátsiz ótkizip keledi.
Sońǵy 10 oıynnyń nebári úsheýinde jeńiske jetti.
Elordalyq klýb budan keıin 22 qazanda Qytaıdyń «Kýnlýn Red Star» (Beıjiń), 24 qazanda Reseıdiń «Avtomobılıst» (Ekaterınbýrg) klýbymen sheberlik baıqasady.
Eske salsaq, elordalyq klýb budan buryn Reseıde «Lada» komandasynan jeńilip qaldy.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.