«Barys» búgin Reseıde «Ak Bars» komandasymen kezdesedi
15:15, 11 Qańtar 2025
<p>ASTANA. KAZINFORM - Qazaqstandyq «Barys» komandasy búgin, ıaǵnı 5 qańtarda Qurlyqtyq hokkeı lıgasyndaǵy kezekti oıynyn Reseıde «Ak Bars» (Qazan) komandasyna qarsy ótkizedi.</p>
Oıyn elorda ýaqytymen 19:00-de bastalyp, «Qazsport» telearnasynan tikeleı efırde kórsetiledi.
Eki komanda buǵan deıin 55 márte kezdesken. Onyń 11-i elordalyq klýbtyń basymdyǵymen aıaqtalsa, qalǵanynda reseılik komanda jeńiske jetken.
Keıingi toǵyz kezdesýdiń segizinde qazaqstandyq klýb atalǵan qarsylasyna ese jiberdi.
Qazir týrnır kestesinde «Barys» 23 upaımen 22-orynda tursa, «Ak Bars» 54 upaımen 8-orynda keledi.
Aıta ketsek, elordalyq klýb budan keıingi úsh oıynyn elordada ótkizedi. Aldymen 19 qańtarda Reseıdiń «Lokomotıv» (ıAroslavl) klýbymen sheberlik baıqassa, odan keıin 23 qańtarda «Admıral» (Vladıvostok), 26 qańtarda «Ak Bars» (Qazan) klýbtarymen oınaıdy.
Eske salsaq, budan buryn «Barys» toǵyz oıyn qatarynan jeńildi.