Qazaqstandyq «Barys» komandasy Qurlyqtyq hokkeı lıgasyndaǵy kezekti oıynyn elordada Qytaıdyń «Kýnlýn Red Star» (Beıjiń) komandasyna qarsy ótkizedi, dep habarlaıdy Kazinform.
Kezdesý búgin, 22 qazan kúni, saǵat 20:00-de bastalyp, «Qazsport» telearnasynan tikeleı efırde kórsetiledi.
Eki komanda buǵan deıin 23 márte kezdesti.
Onyń 18-i elordalyq klýbtyń basymdyǵymen aıaqtalsa, qalǵanynda qytaılyq komanda jeńiske jetti.
Týrnır kestesinde «Barys» 21 oıynnan keıin 18 upaımen 20-orynda tur. Al «Kýnlýn Red Star» 23 oıynnan keıin 16 upaımen 21-orynǵa ornalasty.
Aıta keteıik, astanalyq klýb bıylǵy maýsymdy sátsiz ótkizip keledi.
Sońǵy 10 oıynnyń nebári úsheýinde jeńiske jetti.
Elordalyq klýb budan keıin 24 qazanda Reseıdiń «Avtomobılıst» (Ekaterınbýrg) klýbymen sheberlik baıqasady.
Eske salsaq, budan buryn «Barys» komandasy úsh jeńilisten keıin jeńiske jetti.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.