«Barys» búgin elordada Reseıdiń «Traktor» komandasymen kezdesedi

<p>ASTANA. KAZINFORM - Qazaqstandyq &laquo;Barys&raquo; komandasy búgin, ıaǵnı 24 jeltoqsanda Qurlyqtyq hokkeı lıgasyndaǵy kezekti oıynyn elordada Reseıdiń &laquo;Traktor&raquo; (Chelıabi) komandasyna qarsy ótkizedi.</p>

Oıyn elorda ýaqytymen 19:00-de bastalyp, «Qazsport» telearnasynan tikeleı efırde kórsetiledi.

Eki komanda buǵan deıin 59 márte kezdesken. Onyń 31-i elordalyq klýbtyń basymdyǵymen aıaqtalsa, qalǵan oıynda reseılik komanda jeńiske jetken.

Keıingi bes kezdesýdiń tórteýinde qazaqstandyq klýb atalǵan qarsylasynan basym tústi.

Qazir týrnır kestesinde «Barys» 21 upaımen 22-orynda tursa, «Traktor» 50 upaımen 4-orynda keledi.

Aıta ketsek, elordalyq klýb budan keıingi bir oıynyn qatarynan elordada ótkizip, 26 jeltoqsanda «Cıbır» (Novosibir) klýbymen sheberlik baıqasady.

Eske salsaq, budan buryn shaıbaly hokkeıden Qazaqstan jastar quramasy kanadalyq klýbty iri eseppen jeńdi.