«Barys» búgin elordada Reseıdiń «Dınamo» komandasymen kezdesedi

<p>Qazaqstandyq &laquo;Barys&raquo; komandasy Qurlyqtyq hokkeı lıgasyndaǵy kezekti oıynyn elordada Reseıdiń &laquo;Dınamo&raquo; (Máskeý) qarsy ótkizedi, dep habarlaıdy <a href="https://kaz.inform.kz/lenta/" target="_blank" rel="noopener">Kazinform</a>.</p>

Kezdesý búgin, 11 qazan kúni, saǵat 19:30-da bastalady.

Eki komanda buǵan deıin 32 márte kezdesti. Onyń 12-i elordalyq klýbtyń basymdyǵymen aıaqtalsa, qalǵanynda reseılik komanda jeńiske jetti.

Týrnır kestesinde «Barys» 15 oıynnan keıin 13 upaımen 20-orynda tur, al «Dınamo» 16 oıynnan keıin 22 upaımen 6-orynǵa ornalasty.

Aıta keteıik, astanalyq klýb bıylǵy maýsymdy sátsiz ótkizip keledi. Sońǵy 10 oıynnyń nebári úsheýinde jeńiske jetti.

«Barys» budan keıin taǵy eki kezdesýin óz alańynda ótkizedi. Aldymen, 13 qazanda Reseıdiń «Lokomotıv» (ıAroslavl) komandasymen kezdesse, 15 qazanda «Metallýrg» (Magnıtogorsk) klýbymen sheberlik baıqasady.

Eske salsaq, budan buryn «Barys» elordada Reseıdiń «Traktor» (Chelıabi) komandasynan basym tústi.