ASTANA. KAZINFORM - Qazaqstandyq «Barys» komandasy búgin Qurlyqtyq hokkeı lıgasyndaǵy kezekti oıynyn elordada Reseıdiń «Amýr» (Habarovsk) komandasyna qarsy ótkizedi.
Kezdesý búgin, 4 aqpan elorda ýaqytymen saǵat 17:00-de bastalady.
Eki komanda buǵan deıin 49 márte kezdesken. Onyń 29-y elordalyq klýbtyń basymdyǵymen aıaqtalsa, qalǵan oıyndarda reseılik komanda jeńiske jetti.
Týrnır kestesinde «Barys» 57 oıynnan keıin 44 upaımen 22-orynda tur. Al «Amýr» 58 oıynnan keıin 56 upaımen 17-orynda keledi.
Elordalyq klýb sońǵy 10 oıynnyń toǵyzynda qarsylastaryna ese jiberdi.
Qazaqstandyq ujym budan keıingi úsh oıyndy da elordada ótkizedi. Aldymen 6 aqpanda «Amýr» (Habarovsk) klýbymen qaıta kezdesse, 8 aqpanda SKA (Sankt- Peterbýrg), 10 aqpanda «Spartak» (Máskeý) klýbtarymen oınaıdy.
Eske salsaq, budan buryn «Barys» qatarynan altynshy márte jeńildi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.