«Barys» bıyl Qurlyqtyq hokkeı lıgasyndaǵy alǵashqy oıynyn qashan ótkizedi

<p>ASTANA. KAZINFORM &mdash; Qazaqstandyq &laquo;Barys&raquo; komandasynyń 2024/25 jyldar maýsymyndaǵy Qurlyqtyq hokkeı lıgasyndaǵy alǵashqy oıynyn qashan ótkizetini belgili boldy.</p>

Elordalyq klýb jańa maýsymdy óz aıdynyndaǵy oıyndar serııasymen bastaıdy. Alǵashqy úsh kezdesýin Reseıdiń «Neftehımık» (4 qyrkúıek), «Traktor» (6 qyrkúıek) jáne «Amýr» (9 qyrkúıek) komandalaryna qarsy ótkizedi. 

Aıta ketsek, bıyl Devıd Nemırovskı «Barys» hokkeı klýbynyń bas bapkeri qyzmetine taǵaıyndaldy. 

Kanadalyq mamanmen jasalǵan kelisim-shart bir jylǵa eseptelgen.

Devıd Nemırovskı Qurlyqtyq hokkeı lıgasynda 2015 jyldan beri eńbek etip keledi.

Aldymen «Admıralda» sporttyq dırektor qyzmetin atqarǵannan keıin tórt jyl boıy «Torpedo» komandasyn jattyqtyryp, úsh márte Gagarın kýbogy pleı-off kezeńine shyqty. 

Eki jyldan beri elordalyq klýb Qurlyqtyq hokkeı lıgasynda pleı-off satysyna shyǵa alǵan joq.