«Bárine qarsymyn» baǵany ákimder saılaýynda azamattardyń balama ustanymyn bildirýine jol ashty – Erlan Qarın

NUR-SULTAN. QazAqparat – QR Prezıdentiniń kómekshisi Erlan Qarın 25 shildedegi ákimder saılaýynda qoldanylǵan daýys berý bıýlleterine «Bárine qarsymyn» baǵanyn engizýdiń alǵashqy nátıjeleri týraly aıtty, dep habarlaıdy QazAqparat tilshisi.

«Aýyl ákimderiniń ótken tikeleı saılaýynda alǵash ret saılaýshylarǵa «Bárine qarsy» daýys berý múmkindigin beretin norma iske qosyldy. Memleket basshysy mundaı normany saılaý zańnamasyna engizý qajettigi týraly bıyl qańtar aıynda Parlament Májilisiniń jańa shaqyrylymnyń birinshi sessııasynda málimdegen bolatyn», - dep eske saldy ol Telegram kanalynda.

Memleket basshysy kómekshisiniń aıtýynsha, «Bárine qarsymyn» baǵany saılaýshylar pikiriniń barlyq spektrin eskerýge múmkindik bergen.

«Bul baǵan azamattardyń balama ustanymyn zańdy túrde bildirý quqyǵyn keńeıtedi. Mysaly, BAQ-ta habarlanǵandaı, Qaraǵandy oblysy boıynsha «Bárine qarsymyn» baǵany Aqtoǵaı aýdanynyń Shashýbaı kentinde eń kóp belgilengen (116). Bul daýys bergenderdiń 7%-y. Al búkil Mańǵystaý oblysynda bul quqyqty tek 279 adam paıdalanǵan», - dep jazady Eran Qarın.

Prezıdent kómekshisi osylaısha, ákimder saılaýy Prezıdent júrgizip otyrǵan saıası reformalardyń tıimdiligin kórsetip, olardyń barlyq tarmaqtary praktıkada dáıekti túrde iske asyrylyp jatqanyna kóz jetkizgenin aıtady.