«Bárine birdeı múmkindik»: 33,5 myń balabaqsha orny paıda boldy

NUR-SULTAN. QazAqparat – «Nur Otan» partııasynyń saılaýaldy baǵdarlamasynyń arqasynda eldegi 3-6 jas aralǵyndaǵy balalardyń 99,1 paıyzy mektepke deıingi tárbıemen qamtylǵan. Keshegi ótken partııanyń saıası keńesiniń keńeıtilgen otyrysynda QR Premer-Mınıstri Asqar Mamın osyndaı derek keltirdi, dep habarlaıdy QazAqparat tilshisi.

«Baǵdarlamanyń «Bárine birdeı múmkindikter» atty birinshi baǵyty aıasynda árbir qazaqstandyqtyń áleýetin iske asyrýdy qamtamasyz etetin 43 is-shara oryndaldy. Suranysqa ıe mamandyqtar boıynsha joǵary bilim alý úshin granttar sany 5 myńǵa artty.

Balabaqshalarda 33,5 myń jańa oryn ashylyp, sonyń arqasynda 3-6 jas aralyǵyndaǵy balalardy mektepke deıingi tárbıemen qamtý 99,1% boldy», - dedi Asqar Mamın.

Premer-Mınıstrdiń deregi boıynsha, saılaýaldy baǵdarlamanyń «Intellektýaldy, deni saý jáne únemdi ult» atty ekinshi baǵyty aıasynda 15 is-shara iske asqan.

«Aýdandyq aýrýhanalarǵa, onyń ishinde perzenthanalarǵa 1010 dana medıtsınalyq jabdyq satyp alyndy. Ár óńirde dárilik zattardyń, medıtsınalyq maqsattaǵy buıymdardyń qajetti eki aılyq rezervi daıyndaldy», - dedi Úkimet basshysy.