«Baqytty bala» vokaldyq festıvaline álemniń 9 elinen jas daryndar qatysady
10-14 shilde aralyǵynda Aqtóbe qalasynda «Baqytty bala» ІІ ashyq balalar vokaldyq festıval konkýrsy ótedi. Bul halyqaralyq shara álemniń 9 elinen kelgen jas daryndy balalarǵa vokaldyq áleýetin kórsetýge múmkindik syılaıdy. Osylaısha irikteý týrynyń geografııasy aıtarlyqtaı keńeıe tústi.
Baıqaýda qazylar alqasynyń oń baǵasyn alǵan Top-20 úmitker qonaqtardyń aldyna shyǵyp, taǵy da ónerlerin sarapqa salady. Olar Aqtóbe qalasynyń 150 jyldyq mereıtoıyna arnalǵan keń aýqymdy básekeniń júldeli oryndar úshin kúresetin bolady.
«Bizge Erjan Maksım men Nargız Januzaq sekildi osyndaı vokaldyq estradanyń jas juldyzdaryn syılaǵan «Baqytty bala» festıvaliniń birinshi maýsymynyń tartymdylyǵy jurtshylyqtyń nazaryn aýdaryp qana qoıǵan joq, sonymen birge oqıǵanyń aýqymyn da, shaqyrylǵan qonaqtardyń deńgeıin de kórsetti. Bul is-sharanyń mártebesin arttyrǵany sózsiz. Al aldaǵy konkýrsta qazylar alqasynyń músheleri bolyp sheteldik belgili oryndaýshylar men shoý ındýstrııasynyń qurmetti de kásipqoı mamandary tańdap alyndy. Olardyń qatarynda «X-faktor» jobasyna qatysyp, birinshi kastınginiń beınetaspasy YouTube hostınginiń keńistiginde vırýstyq týyndyǵa aınalyp, qazaqstandyq kórermenniń de esinde qalǵan Ýkraınanyń tanymal ánshisi Aıda Nıkolaıchýk bar. Táýelsiz ókil retinde áıgili «Golos» telejobasynyń juldyzy, grýzın oryndaýshysy Nını Tsnobıladze shaqyryldy. Sondaı-aq saraptamalyq komandaǵa Valerıı Leontev, Nıkolaı Baskov, Fılıpp Kırkorov jáne túrik hory sııaqty top juldyzdarmen jumys isteıtin Reseıdiń ókili, kompozıtor Evgenıı Evzerov kirdi» delingen habarlamada.
Qazylar alqasynyń quramyna elimizden Dımash Qudaıbergenniń saýnd-prodıýseri jáne mýzyka kórkemdeýshi Erlan Bekchýrın, tanymal kompozıtor ári oryndaýshy Ulyqpan Joldas jáne Dımashtyń ustazy, onyń biregeı talantyn álemge tanytqan, QR eńbek sińirgen mádenıet qaıratkeri Marat Áıtimov shaqyryldy.
Álemniń 9 elinen (Ýkraına, Reseı, Belorýs, Polsha, Ózbekstan, Qyrǵyzstan, Gretsııa, Kanada, Moldova) kelgen ónerpazdardan 500-den astam ótinim qabyldaǵan festıvaldiń aqtyq synyna irikteý týrynda geografııalyq jaǵynan ózgerister paıda boldy. Qorytyndyǵa sáıkes, konkýrsqa 8 elden kelgen 20 úmitker ótedi.
«Baqytty bala» festıvaliniń rejısseri Anna Oboıanskaıa konkýrstyq ótinimder sapasynyń ádettegiden jaqsarǵanyn jáne oryndaýshylardyń vokaldyq deńgeıiniń óskenin aıtady. Olardyń arasynda halyqaralyq deńgeıde ózin kórsetip úlgergen jetkinshekter de bar eken. Alaıda, Annanyń sózine qaraǵanda, irikteý keziniń negizgi talaptaryna saı qatysýshylar erekshe vokaldyq jáne ártistik qabiletin kórsetýi tıis jáne bul talap árdaıym saqtalyp qala bermek. Sondyqtan kásibı oryndaýshylarmen birge top-20-ǵa álemge áli tanylmaǵan, biraq daýsy keremet vokaldyq áleýetke ıe shalǵaı óńirlerden kelgen daryndar da tańdalǵan.
Anna Oboıanskaıanyń ózine kelsek, ol Ýkraınadan arnaıy shaqyrylǵan. Onyń jınaǵynda Italııa, Ispanııa, Túrkııa jáne Gretsııada ótken halyqaralyq aýqymdaǵy jobalar, sondaı-aq «Bastau» atty Dımashtyń soldyq kontserti bar.
Aıta keterligi, byltyr aqtóbelik 4 bala tańdaýly 20 darynnyń qataryna enip, olardyń bireýi 1, 2, 3-dárejeli, qalǵan úsheýi Gran prı júldegeri atanǵan bolatyn. Bul, óz kezeginde Aqtóbe ákimdiginiń Qazaqstan estradasynyń jarqyn juldyzdaryn tabatyn jáne ósiretin talanttar fabrıkasy ataǵyna laıyq ekendigin dáleldese, ekinshiden is-sharany joǵarǵy deńgeıde jáne jan-jaqty uıymdastyrýǵa serpin berdi. Osyndaı qoldaýdyń arqasynda, transfer, tamaqtaný jáne qaýipsizdik sharalaryn qosa alǵanda, konkýrs qonaqtary men qatysýshylarynyń yńǵaılylyǵy úshin barlyq qajetti jaǵdaılar kózdelgen.
«Aqtyq kontserttiń bıletterin satýdan túsken qarajattyń bári qalalyq mádenıet úıi balalar ujymynyń materıaldyq-tehnıkalyq bazasyn jańartýǵa jumsalady», - dep túsindirdi Aqtóbe ákiminiń orynbasary Aıgúl Amanqazyqyzy.
Aıta keteıik, «Baqytty bala» festıvali Dımash Qudaıbergenniń jáne onyń «DımashAlı» prodıýserlik ortalyǵynyń jetekshilik etýimen uıymdastyrylyp otyr. Álem tyńdarmandarynyń juldyzy ári erkesi qatysýshylardyń sapasy men joǵary kásibıliginiń kepili retinde konkýrstyń barlyq kezeńine jeke ózi qatysýda.