BAPOR Gazaǵa kómek kórsetýdi toqtatty

<p>BUU-nyń Taıaý Shyǵystaǵy palestınalyq bosqyndarǵa kómek kórsetý jáne jumys jónindegi agenttigi (BAPOR) otyn men kommýnıkatsııanyń joqtyǵyna baılanysty Gazaǵa azyq-túlik pen taýarlardy jetkizýdi toqtatty. <a href="Kazinform." target="_blank" rel="noopener">Kazinform</a> bul týraly <a href="https://ru.euronews.com/2023/11/18/gaza-war-aid" target="_blank" rel="noopener">Euronews</a>-ke silteme jasap habarlaıdy.&nbsp;</p>

Arnaıy agenttik Gazaǵa óz arnalary arqyly azyq-túlik pen taýarlardy endi jibere almaıtynyn jarııalady. Buǵan baılanystyń úzilýinen jetkizýdi úılestirý nemese olarǵa otyn taba almaı qalǵany sebep bolyp otyr. 

BUU Bas hatshysynyń baspasóz hatshysy Stefan Dıýjarrıktiń aıtýynsha, Rafah baqylaý-ótkizý beketinde kómek júkteri jınalyp qaldy, biraq ony alyp ketý múmkin emes, óıtkeni agenttiktiń júk kólikteri joq. 

«Telekommýnıkatsııa jelisindegi aqaýlarǵa baılanysty bizde Gazadaǵy jalpy jaǵdaı týraly sońǵy aqparat joq. Osy jaǵdaı bolǵan kezde Gaza sektoryndaǵy qyzmetkerlermen baılanysymyz múldem úzildi. Qyzmetkerlerimizdiń basym kópshiligi bizben baılanysa almaıdy, — dedi BAPOR-dyń kommýnıkatsııalar jónindegi dırektory Djýlett Týma.

Osy arada Izraıl armııasy HAMAS pen sektor aýdandaryndaǵy onyń fılıaldaryna qarsy qurlyqtaǵy operatsııalaryn keńeıtýdi jalǵastyrýda, qarý-jaraq zaýyttary men yqtımal zymyran ushyrý oryndaryn izdep, qıratyp jatyr.