Bankterdiń azamattardyń turǵyn úıin óndirip alýdy qoldanýyna shekteý engiziledi
«Memleket basshysynyń 2021 jylǵy 22 qyrkúıekte Mańǵystaý oblysyn áleýmettik-ekonomıkalyq damytý jónindegi keńeste bergen tapsyrmasy boıynsha ıpotekalyq qaryz alýshylardyń quqyqtaryn qorǵaýdy kúsheıtý úshin Úkimet Ulttyq bankpen jáne Qarjy naryǵyn retteý jáne damytý agenttigimen birlese otyryp, atqarýshylyq is júrgizý, jeke sot oryndaýshysynyń jumysy, ekinshi deńgeıdegi bankterdiń baǵalaý qyzmeti men kepildik saıasatyn retteý aıasynda qatynastardy jetildirý jónindegi zańnamalyq túzetýler toptamasyn ázirledi. Túzetýler Parlament Májilisinde qaralyp jatqan bıýdjet zańnamasyn jetildirý máseleleri jónindegi zań jobasyna engizildi», - delingen Úkimet basshysynyń jaýabynda.
Premer-Mınıstrdiń jaýabyna sáıkes, atqarýshylyq is júrgizý rásimderi aıasynda kepilge salynǵan múlikke óndirip alý qoldanylǵan kezde azamattardyń quqyqtaryn qorǵaýdy kúsheıtý maqsatynda zań jobasynda mynalar kózdeledi:
- kredıtorlar tarapynan josyqsyz áreketter men qyzmetterin asyra paıdalanýlaryna jol bermeý úshin kredıtordyń, onyń jumyskerleriniń jáne úlestes tulǵalardyń jyljymaıtyn múlikti ótkizý boıynsha saýda-sattyqqa qatysýyna tyıym salý jáne onda ekiden kem qatysýshy bolǵan jaǵdaıda saýda-sattyq ótpedi dep taný;
- azamattardyń turǵyn úıine óndirip alýdy qoldanýdy shekteý úshin jeke tulǵanyń turǵyn úımen qamtamasyz etilgen ıpotekalyq qaryzdary boıynsha oryndalmaǵan mindetteme somasynyń jáne kepilge salynǵan múlik qunyna merzimdi ótkizip alý kezeńiniń eleýsizdigi men mólsherles bolmaýynyń joǵary shegin engizý (oryndalmaǵan mindetteme somasy 10 paıyzdan 15 paıyzǵa deıin jáne merzimdi ótkizip alý kezeńi 3 aıdan 6 aıǵa deıin);
- borysh júktemesin azaıtý úshin boryshkerdiń kepilge salynǵan múlikti sottan tys, sol sııaqty sot arqyly ótkizý kezinde 3 aı merzimde óz betinshe ótkizý mindettiligi belgileý;
- turǵyn úıdi tómendetilgen qunmen ótkizýge jol bermeý jáne ıpotekalyq qaryzdar boıynsha oryndalmaǵan mindettemelerdi óteý úshin kepilge salynǵan múlikti ótkizýden alynǵan aqshanyń jetkiliktiligin qamtamasyz etýde kepil múlikti saýda-sattyqta satý baǵasynyń tómengi shegin bastapqy qunynyń 50-den 75 paıyzyna deıin arttyrý.
«Sonymen birge zań jobasynda kepil satylǵannan keıin blankilik bereshekti esepten shyǵarý negizderi keńeıtildi. Túzetýlerdi eskere otyryp, ıpotekalyq turǵyn úı qaryzy sharty boıynsha kepilge salynǵan jyljymaıtyn múlik sot tártibimen satylǵan jaǵdaıda, boryshker-jeke tulǵada óndirip alýdy qoldanylýy múmkin ózge múlik nemese eń tómengi jalaqynyń 2 eselengen mólsherinen asatyn tabysy bolmaǵan kezde qalǵan bereshek esepten shyǵarylatyn bolady»,- dep atap ótedi Asqar Mamın.