Bankterdi saýyqtyrýǵa bólingen aqsha tıimdi nesıe bolyp qaıtýy kerek – Toqaev

NUR-SULTAN. QazAqparat – 2025 jylǵa qaraı eldegi ınflıatsııa deńgeıi 3-4 paıyz dálizinde bolýy kerek. Úkimettiń keńeıtilgen otyrysynda Prezıdent Qasym-Jomart Toqaev osyndaı tapsyrma berdi, dep habarlaıdy QazAqparat tilshisi.

«Ulttyq bank ınflıatsııa dálizin 2022 jyly 4-6 paıyz deńgeıinde, 2025 jyly 3-4 paıyz deńgeıinde ustap turý úshin táýelsiz aqsha-nesıe saıasatyn, aqylǵan qonymdy saıasat ustaný kerek», - dedi Prezıdent.

Onyń aıtýynsha, naqty ekonomıkany kredıtteý týraly da umytýǵa bolmaıdy.

«2018 jyldan beri bank sektoryn ornyqty damytý baǵdarlamasy iske asyrylyp jatyr. Problemaly kredıtterdiń shyǵynyn jabý úshin bankterge 700 mlrd teńge bólingen. Alaıda bankter tarapynan kredıt qoljetimdiligi jáne kólemi boıynsha qarymta qadam baıqalyp otyrǵan joq. Eski problema. Únemi aıtyp júrmiz. Ótimdiligi joǵary profıtsıtter ósip jatyr. Bul problemany bilemiz. Ol bankterdiń atyn da bilemiz. Búginde atalmysh profıtsıt 12 trln teńgedeı bolǵan. Bul qarajat ekonomıkaǵa, onyń ishinde bıznestiń aqylǵa qonymdy jolmen damýyna, ıpotekalyq naryqqa jumys isteýi kerek. Retteý tetigin qurý kerek. Sol arqyly bankter bankterdiń tıimdi jobalardy qarjylandyrýǵa nıetti bolýy kerek. Bul - Ulttyq banktiń jańa basshylyǵy men Qarjy naryǵyn retteý jáne damytý agenttiginiń mindeti», - dedi Memleket basshysy.