«Bankterde bosqa jatqan aqsha kóp» - respýblıkalyq basylymdarǵa sholý
***
«Egemen Qazaqstan» basylymynyń jazýynsha, keshe Qazaqstan Parlamenti Májilisiniń Tóraǵasy Nurlan Nyǵmatýlın Reseı Federatsııasynyń Qazaqstan Respýblıkasyndaǵy Tótenshe jáne ókiletti elshisi Mıhaıl Bocharnıkovpen kezdesti.Taraptar kóptegen máseleler jóninde pikir almasty, sonyń ishinde parlamentaralyq yntymaqtastyqty nyǵaıtý týraly oılaryn ortaǵa saldy. Qazirdiń ózinde Májilistiń besinshi shaqyrylymynda Reseı Federatsııasynyń joǵary zań shyǵarý organymen yntymaqtastyq toby, sondaı-aq Qazaqstan Respýblıkasy Parlamenti Májilisi men Reseı Federatsııasy Federaldy Jınalysy Memlekettik Dýmasy arasyndaǵy Palataaralyq parlamenttik komıssııa qalyptastyryldy. Kezdesý barysynda kóterilgen máseleler «Májilis tóraǵasy Reseı elshisimen kezdesti» atty maqalada.
Premer-Mınıstr Kárim Másimovtiń tóraǵalyǵymen ótken keshegi Úkimet otyrysynda elimizdegi ındýstrııalandyrý baǵdarlamasynyń júzege asý barysy qaraldy. Osy másele boıynsha baıandama jasaǵan Indýstrııa jáne jańa tehnologııalar mınıstri Áset Isekeshevtiń aıtýy boıynsha, baǵdarlamany qolǵa alǵan 2 jyldan beri ony júzege asyrýdyń barlyq zańnamalyq arqaýy men qajetti tetikteri ázirlendi. Sóıtip, ol belsendi túrde júzege asyrylý ústinde. Baǵdarlama óńdeý ónerkásibiniń damýyna qolaıly yqpal etýde. Іshki jalpy ónim ishindegi osy salanyń úlesi 2011 jyldyń 9 aıynda 12,8 paıyzǵa deıin ósip otyr. Sonyń ishinde óńdeý ónerkásibiniń úlesi 6,2 paıyzdy qurap, mundaǵy eńbek ónimdiligi 2008 jylǵy jaǵdaımen salystyrǵanda 32 paıyzǵa arta túsken. Bul málimettermen «Egemen Qazaqstan» basylymynyń búgingi sanyndaǵy «Tutynýshylar quqyn qorǵaý máselesi qalaı?» atty maqaladan bile alasyzdar.
***
«Aıqyn» basylymynyń jazýynsha, o bastan kapıtalıstik jolǵa túsken ózge memleketter úshin daǵdarys shynynda da, úırenshikti bolǵanymen, biz úshin onyń qorqynyshty ekeni ras. Óıtkeni ondaı ekonomıkalyq silkinistermen endi ǵana betpe-bet kezdesýdemiz. Soǵan qaramastan Ulttyq bank basshysy G.Marchenko myrza sol daǵdarysty paıdalanyp, taý qoparýǵa shaqyrady. Onyń aıtýynsha, Qazaqstandaǵy qazirgi jaǵdaı buryn-sońdy bolmaǵan jaılylyqty kórsetip tur. Ulttyq qorda 45 mlrd dollar bar, ol qandaı silkinisterdi bolsyn, qasqaıyp qarsy alýǵa shydas bergizedi. Onyń ústine, batystaǵylar qansha jerden daǵdarys dep baıbalam salyp jatsa da, shıkizat baǵasy álemdik naryqta ushyp tur. Munaı baǵasynyń sharyqtaýy bizdiń oń jaǵymyzdan kelip, asyǵymyzdy alshysynan túsire beretin syńaıly. Bul másele jóninde «Aıqyn» basylymynyń búgingi sanyndaǵy «Bankterde bosqa jatqan aqsha kóp» atty maqaladan oqyńyzdar.
Sondaı-aq atalmysh basylym búgingi sanynda «Tebindikter qaıtkende paıdaly bolmaq?» atty maqala basty. Onda mynadaı úlken ári keleli másele qozǵalypty. Búkil Qazaqstanda 14 mıllıonǵa jetpeıtin qoı qysqa túsedi. Onyń biraz bóligi bııazy júndiler, endi bir aýqymdy bóligi aýyldaǵylardyń albarlarynda turǵan onshaqty qoıdan turady. Shamalaýymyzsha, tebindigi bar aýyldarda ómir súrip jatqan sharýa qojalyqtaryndaǵy qazaqy qoıdyń sany ári ketkende 3 mıllıondaı bolýy múmkin. Al 1991 jylǵa deıin Qazaqstanda qysqa shamamen 35 mıllıon qoı túsip, onyń 60 paıyzdaıy tebindikti paıdalanatyn. Demek Keńes odaǵy tusynda 21 mıllıon qoı tebindep shyqqan aımaqty bul kúnderi bar bolǵany 3 mıllıonnyń o jaq, bu jaǵyndaǵy qoı «paıdalanýda» deýge bolady. «Óz basym bul da «aldamshy» esep dep oılaımyn. Sebebi, bar-joǵy úsh mıllıon qoıǵa qysqy jem-shóp daıyndaý onsha qıyn emes sharýa. Olaı bolsa, dál qazirgi kezde tebindikter «týsyrap jatyr» deýge bolatyn shyǵar»,-dep jazady maqala avtory. Atalǵan máseleniń jaı-japsary jóninde tereńirek bilgińiz kelse, «Aıqyn» basylymynyń búgingi sanyn qarańyz.
***
Ótken aptada elordada ınnovator kásipkerlerge arnalǵan erekshe oqıǵa boldy. Eń alǵash ret Qazaqstan men Ortalyq Azııada Astana qalalyq ákimdiginiń qoldaýymen Astana Startup Weekend atty shara ótti. Atalmysh shara jahandyq bastamanyń bólshegi bolyp tabylady jáne ol elimizde startap-qoǵamdastyq úderisiniń bastalǵandyǵyn bildiredi. ıAǵnı bolashaqta jas qazaqstandyq kásipkerlerden jańa, tyń serpindi jobalar kútýge bolady degendi bildiredi. Atalmysh bastamanyń maqsat-mindetterimen «Kazahstanskaıa pravda» basylymynyń búgingi sanyndaǵy «Delo dlıa molodyh. V respýblıke zapýşen protsess formırovanııa startap-soobşestva» atty maqaladan tanysa alasyzdar.