Bankterdi ekonomıkalyq jobany qarjylandyrýǵa yntalandyrý mehanızmi qajet – sarapshy

<p>TAShKENT. KAZINFORM &ndash; Bankterdi ekonomıkalyq jobalardy qarjylandyrýǵa tartý úshin yntalandyrý mehanızmin ázirleý qajet. Prezıdent Qasym-Jomart Toqaevtyń Qazaqstan halqyna Joldaýynda kótergen bastamalaryna qatysty pikir bildirgen belgili ózbekstandyq ekonomıst, Ekonomıkalyq damýǵa járdemdesý ortalyǵynyń dırektory ıÝlıı ıÝsýpov osyndaı pikir bildirdi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

«Joldaýda Prezıdent Qasym-Jomart Toqaev kótergen bastamalardyń ishinde memlekettiń shyǵyndaryn qysqartý boıynsha aıtqan usynysyna erekshe nazar aýdardym. Bul - óte mańyzdy másele, onyń ishinde Ózbekstan úshin de. Ózbekstanda memlekettik shyǵyndardyń jalpy ishki ónimdegi úlesi Qazaqstanǵa qaraǵanda eki ese kóp. Biz mynany esten shyǵarmaýymyz kerek: memlekettiń shyǵyndary kóp bolǵan saıyn, solardyń ornyn toltyrý úshin jeke sektordan alatyn qarjy da ulǵaıady. Al bul óz kezeginde kásipkerlik pen el ekonomıkasynyń damýyna kedergi sanalady», - dep málim etti ekonomıst.

Sonymen qatar ıÝlıı ıÝsýpov salyq saıasatyn júıeleýge qatysty Prezıdent bastamalaryna toqtaldy. Onyń paıymynsha, Qazaqstannyń kásipkerlik salaǵa beriletin jeńildikterdi qaıta qarap, bıznes úshin básekeles orta qalyptastyrýǵa bet alǵany mańyzdy.

«Salyq boıynsha jeńildikter máselesi Qazaqstanmen qatar Ózbekstanǵa da tán. Sondyqtan Qasym-Jomart Toqaevtyń bul problemany kóterýi oryndy. Óıtkeni, kóptegen bıznes ókilderi jeńildik alý múmkindigi joǵary salalarǵa bet burady da, ózge baǵyttar aqsap qalady. Buǵan qosa, olar ózderiniń kúshimen ınvestıtsııa tartyp, kásibin keńeıtýdi oılamaıdy. Sondyqtan jeńildikterdi qysqartý oryndy, tıisinshe shaǵyn jáne orta bızneste básekelestik paıda bolady. Munymen qatar, meniń bilýimshe, Qazaqstanda qandaı da bir kásiporynnyń salyq bereshegi bolsa, onyń shottary buǵattalady. Bul rette Qasym-Jomart Toqaev shotty buǵattamaı, qaryz somasyna ǵana shekteý qoıý tetigin qarastyrýdy ári bólip tóleý múmkindigin engizýdi usyndy. Atalǵan bastama bıznesti ilgeriletýde óte mańyzdy qadam dep esepteımin», - dedi ıÝ.ıÝsýpov.

Sarapshy atap ótken taǵy bir másele – bankterdi ekonomıkalyq jobalardy qarjylandyrý isine tartý. ıÝlıı ıÝsýpovtyń pikirinshe, ol úshin qarjy uıymdaryn yntalandyrý tetikterin qarastyrǵan jón.

«Ózekti másele ekeni ras. Ol úshin bankterdi ekonomıkalyq jobalardy qarjylandyrýǵa tartý úshin yntalandyrý mehanızmin ázirleý qajet. Álemdik tájirıbege saı, mundaı istermen ár eldiń ortalyq bankteri aınalysýy tıis. Atap aıtqanda, qarjylyq retteýshi qoıylatyn talaptar men erejelerdi bekitip, qajetti mehanızmdi jasaqtaýǵa jaýapty», - dedi ıÝlıı ıÝsýpov Kazinform tilshisine bergen suhbatyn túıindeı otyryp.