Bankter týraly jańa zań 2025 jyldyń maýsymynda qabyldanady
«Bankter men kredıttik uıymdar qyzmetin retteıtin jańa zań jobasy ázirlenetin bolady. Zań jobasynyń negizgi mindetteri — ekonomıkalyq belsendilikti yntalandyrý, tsıfrlyq aktıvterdi jáne qarjylyq tehnologııalardy retteý. Qabyldaý merzimi 2025 jylǵy maýsym dep josparlap otyrmyz. Osy bank boıynsha teńgerimsizdikti joıý maqsatynda tólenetin dıvıdendterdi eskere otyryp, bank sektoryna teńgerimdi salyq salýdv engizý jónindegi sharalar qabyldanady», — dedi ol.
Vıtse-premerdiń atap ótýinshe, salyq jáne bıýdjet saıasatyn jetildirý jelisi boıynsha osy jyldyń sońyna deıin kirister men shyǵystardy josparlaý sapasyn arttyrý, bıýdjet tapshylyǵyn toltyrýdyń ótemaqylyq tetikterin engizý, Ulttyq qordyń aktıvterin basqarý tıimdiligin arttyrý máselelerin qamtıtyn bıýdjet zańnamasyn jetildirý jónindegi usynystar ázirlenedi.
«2026 jyldyń basynan jańa Salyq kodeksi qoldanysqa engiziledi. Munyń negizgi mindetteri kásipkerler úshin tıimdi jaǵdaılardy nasharlatpaı salyq rejımderin ońtaılandyrý, jeke tabys salyǵy saralanǵan mólsherlemesin belgileý, májbirlep óndirý alý sharalaryn qoldanbaı salyq beresheginiń shegin ulǵaıtý, salyq bereshegi sheginde ǵana shekteýler qoıý, kepilmen qamtamasyz etilmeıtin salyqtar boıynsha bereshekti bólý tóleýdiń jáne basqa da pármendirdi usyný. Jańa salyq zańnamasynyń basty mindeti memlekettiń qajettilikteri men bıznestiń múmkindikteri arasyndaǵy teńgerimdi saqtaý. 2025 jyldyń sońyna deıin salyqtyq ákimshilendirýdiń biryńǵaı aqparattyq júıesin engizý kózdeledi. Munan basqa, shekara mańyndaǵy keden beketteri boıynsha jumystardy aıaqtaýǵa, sondaı-aq kiristerdiń zańsyz aǵynyna jol bermeýge baǵyttalǵan keshendi sharalar iske asyrylady. Salyqtyq ákimshilendirýdiń barlyq protsesterin jetildirý jónindegi jumys depýtattyq korpýspen, qoǵammen birlesip jáne sarapshylar men bıznes-qoǵamdastyq ókilderin jumyldyrý jolymen jalǵasady», — dedi Nurlan Baıbazarov.