Bankter men qarjylyq uıymdardyń jumysy jandanady

NUR-SULTAN. QazAqparat – Ekinshi deńgeıli bankter shtattaǵy qyzmetkerleriniń jartysyn shyǵarý shartymen jumys júrgizedi. Bul týraly QR Aqparat jáne qoǵamdyq damý mınıstri Dáýren Abaev aıtty, dep habarlaıdy QazAqparat tilshisi.

Mınıstrdiń aıtýynsha elordada elektr-turmystyq tehnıkalardy satatyn iri dúkender, zoodúkender, gúl satatyndardan basqa barlyq dándi-daqyl satatyn dúken, rıeltorlyq kompanııalar, múlikti baǵalaý agenttikteri, saqtandyrý kompanııalary, ekinshi deńgeıli bankter men mıkroqarjylyq uıymdardyń jumysy jandanady.

«Al Almaty qalasynda TQKS, avtojýý, shınomontaj, turmystyq tehnıka jóndeý oryndary, jarnama agenttikteri, aýyl sharýashylyǵy tehnıkalary dúkeni, avtosalondar, kólik jáne qoıma kompanııalary jumys isteı bastaıdy. Aqparattyq-kommýnıkatsııalyq kompanııalardyń jumysy qaıta bastalady. Ekinshi deńgeıli bankter shtattaǵy qyzmetkerleriniń jartysyn shyǵarý shartymen jumys júrgizedi. Sonymen qatar tizimde mıkroqarjylyq uıymdar, saqtandyrý kompanııalary, brokerler men lombardtar bar», - dedi ol.

Eske sala ketsek QR Prezıdenti Qasym-Jomart Toqaev Tótenshe jaǵdaı rejımin bıylǵy 11 mamyrǵa deıin uzartý týraly Jarlyq shyǵarý jóninde sheshim qabyldady. Bul týraly Memleket basshysy búgingi málimdemesinde aıtqan bolatyn.

Sonymen qatar Úkimet 1 mamyrdan bastap elorda men Almaty arasyndaǵy reısterdi ashatyn boldy.