Bankte áıelin pyshaqtaǵan aqtóbelik buzaqylyq boıynsha sottaldy

<p>Oqıǵa Hromtaýdaǵy&nbsp;<a href="https://home.kz/" target="_blank" rel="noopener">Home Credit Bank-tiń&nbsp;</a>bólimshesinde oryn aldy. Araqqa sylqııa toıǵan er adam bankte konsýltant bolyp jumys isteıtin áıeline kelip, onyń keýdesi men ıyǵyna pyshaq jaraqattaryn saldy. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://diapazon.kz/news/124677-aktyubinec-bil-nozhom-suprugu-chtobi-sohranit-semyu" target="_blank" rel="noopener">&laquo;Dıapazonǵa&raquo;</a> silteme jasap habarlaıdy.&nbsp;</p>

Pyshaqtyń júzi synyp, áıeldiń ıyǵynda qalyp qoıǵannan keıin, qaskúnem ony denesi men basynan judyryqpen urýdy jalǵastyrǵan. Munyń bári jábirlenýshiniń áriptesteriniń kózinshe boldy. Áıel aýrýhanaǵa jetkizildi. Al er adam oqıǵa ornynan qashyp ketken.

Ol «Kisi óltirýge oqtalý» babymen sotqa tartyldy. Áıel olardyń ortaq balasy baryn, kúıeýi ishimdikti kóp ishetinin, shóp shegetinin, ózin jáne anasyn óltiremin dep qorqytqanyn aıtty. Jábirlenýshi kúıeýin keshirmeıtinin jáne sottan ony bas bostandyǵynan aıyrýdy surady.

Al aıyptalýshy áıelin óltirý oıynda bolmaǵanyn, kerisinshe, otbasyn saqtap qalǵysy kelgenin alǵa tartty.

Sot otyrysy barysynda prokýror taǵylǵan aıypty «Kisi óltirýge oqtalýdan» «Pyshaq qoldanyp buzaqylyq jasaýǵa» ózgertti.

Sýdıa er adamǵa qoǵamdyq orynda, jumys ýaqytynda áıeline pyshaqpen shabýyl jasap, densaýlyǵyna jeńil zııan keltirýdi buzaqylyqqa jatqyzýǵa bolatynymen kelisti. Osylaısha, ol buzaqylyq jasaǵany úshin 6 jylǵa bas bostandyǵynan aıyrý jazasyna kesildi.

Áıel men er adam sotta jaýap berip jatqan kezde olardyń arasynda zańdy neke bolmaǵan.