Bankrottyq rásimdeýge 3 myńnan astam almatylyqtan aryz tústi

ALMATY. QazAqparat - 3 naýryzdan bastap azamattardan bankrottyq rásimderdi qoldaný týraly aryzdardy qabyldaý bastaldy, búginde almatylyqtardan 3 662 ótinish tústi. Bul týraly Óńirlik kommýnıkatsııalar qyzmetinde ótken baspasóz máslıhatynda Almaty qalasy boıynsha memlekettik kirister departamentiniń ókili málim etti, dep habarlaıdy QazAqparat tilshisi.

Almaty qalasy boıynsha memlekettik kirister departamentiniń qaryzdarmen jumys isteý bóliminiń basshysy Aıdos Býdýgýlovtyń sózinshe, 24 sáýirdegi jaǵdaı boıynsha 3 662 azamattan ótinish tústi.

«3662 aryzdyń 3055-i qaraldy. Onyń ishinde 503 azamatqa qatysty sottan tys bankrottyq rásim júrgizildi, bul túsken ótinishterdiń 14% paıyzy. Sonda-aq ótinish berýshilerdiń 362-i ataýly áleýmettik kómek alady»,- dedi Aıdos Býdýgýlov.

Aıtýynsha, 2 552 aryz sottan tys bankrottyq boıynsha ótinish berýden bas tartty.

«Sottan tys tártipte bankrottyq týraly ótinish bergende belgili bir talaptar qoıylady. Azamattar bul tártipti 1600 AEK-ten joǵary (2023 jyly – 5 mln 520 myń teńge) jáne kredıtorlar aldyndaǵy bereshekterdiń barlyq túrleri boıynsha qoldana alady», - dep naqtylady brıfıng spıkeri.

Aıdos Býdýgýlov ózin bankrot dep jarııalaǵysy keletin jeke tulǵalardyń árbir ótinishi 15 jumys kúni ishinde qaralatynyn atap ótti.

«Bankrottyq rásiminiń ózi 6 aıǵa sozylady, onyń merzimi ótkennen keıin bankrot dep tanylǵan azamattardyń tizimi ýákiletti organnyń resmı saıtynda jarııalanady. Sottan tys bankrottyq týraly ótinish berý úshin azamattar «e-Salyq Azamat» qosymshasy arqyly, sondaı-aq azamattarǵa arnalǵan Úkimet portalyna júgine alady. Sonymen qatar, HQO arqyly qaǵaz júzinde ótinish berýge bolady. Al sottyń bankrottyq rásiminen ótýi úshin turǵylyqty jeri boıynsha sotqa júginý qajet»,- dedi ol.