Bankrottyq rásimdeýde jetim balalar memleket bergen páterinen aıyrylmaıdy

ASTANA. QazAqparat – Elorda turǵyndarymen kezdesken Qarjy vıtse-mınıstri Erjan Birjanov bankrottyq rásimdeý kezinde azamattardyń arnaıy sanattary boıynsha qoldanylatyn talaptar týraly aıtty, dep habarlaıdy QazAqparat tilshisi.

Kezesý barysynda BAQ ókilderi vıtse-mınıstrge: «Eger jetim sanatyndaǵylar ózin bankrot dep jarııalasa, olardan memleket tarapynan berilgen páterleri tárkilene me?» - dep saýal qoıdy.

Buǵan qatysty jaýap bergen Erjan Birjanov bankrottyq rásimdeý kezinde azamattardyń arnaıy sanaty tıisti normalarmen qorǵalatynyn aıtty.

«Turǵyn úıge keletin bolsaq, eger adam bank arqyly páter alsa jáne onyń jalǵyz turǵyn úıi kepil zaty bolsa, onda bul múlik sot protsesi arqyly qaralady. Bul tek sot organdary men qarjy menedjeri arasynda sheshiledi. Eger turǵyn úı jergilikti atqarýshy organdar arqyly jetimder sanaty boıynsha alynsa, bul múlik kepil zaty bolmaıdy. Ony eshkim alyp qoıa almaıdy. Áleýmettik tarap osyndaı normalarmen qorǵaldy», - dep jaýap qatty Erjan Birjanov.