Bankrottyq rásimdegen azamattarǵa 3 jyl qarjylyq monıtorıng júrgiziledi

ASTANA. QazAqparat – Bankrot dep tanylǵan azamattarǵa 3 jyl boıy qarjylyq monıtorıng júrgiziledi. Elorda turǵyndaryna «QR azamattarynyń tólem qabilettiligin qalpyna keltirý jáne bankrottyq týraly» jańa zań túsindirilgen semınarda Qarjy vıtse-mınıstri Erjan Birjanov osylaı málimdedi, dep habarlaıdy QazAqparat tilshisi.

«Bankrot dep tanylǵan jeke tulǵalarǵa memlekettik kirister departamenti 3 jyl boıy qarjylyq monıtorıng, ıaǵnı baqylaý júrgizedi. Eger osy bankrottyq protsesi ádeıi jasalatyn bolsa, azamattar jaýpkershilikke tartylady. Muny barlyǵy túsinýi kerek. Bankrottyq dúnıejúzilik tájirıbe boıynsha sońǵy qadam bolyp sanalady. Bul - azamattyń qarajaty, múlki joq bolyp amal-sharasy qalmaǵanda ǵana qoldanylatyn shara», - dep túsindirdi Erjan Birjanov.

Sonymen qatar, Astana qalasynyń turǵyndarymen kezdesip, zańdy túsindirgen vıtse-mınıstr azamattardy bankrot dep taný – qaryzdy keshirý aktsııasy emes ekendigin basa aıtty. Sebebi munyń zańmen retteletin saldary bar.