Bankrottyqqa ótinim bergenderdiń 80%-y talapqa saı kelmegen – Zańǵa túzetý engiziledi

<p>Bıyl 3 naýryzdan beri 8 mlrd teńgeden astam boryshy bar 5,7 myńǵa jýyq adam bankrot dep tanyldy. Bul týraly QR Premer-Mınıstriniń orynbasary &ndash; Qarjy mınıstri Erulan Jamaýbaev aıtyp berdi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Bıyl 3 naýryzdan bastap bankrottyqqa 69 myńnan astam ótinish kelip tústi, onyń 80 paıyzdan astamy bankrottyq rásimge sáıkes kelmeıtini anyqtaldy. Negizgi sebepteri: múliktiń bolýy, boryshkerdiń qaryz somasy men tólem merzimi boıynsha sáıkessizdik jáne kredıtormen boryshty durys rettemeýi. Nátıjesinde, búgingi tańda 8 mlrd teńgeden astam borysh somasyna 5,7 myńǵa jýyq azamat bankrot dep tanyldy», - dedi Qarjy mınıstri Parlament tyńdaýynda.

Mınıstrdiń aıtýynsha, sot arqyly bankrottyq jáne tólem qabiletin qalpyna keltirý rásimin qoldaný úshin sottarǵa 1 200-ge jýyq azamat júgingen. Degenmen jekelegen boryshkerler keıbir zańnamalyq kedergiler saldarynan bankrottyq rásimin qoldana almaı otyr.

«Osyǵan baılanysty kelesideı normalar usynylady: sottan tys bankrottyqqa jatatyn qarjy uıymdarynyń tizbesin keńeıtý; azamattardy sottan tys bankrottyq rásimin qoldaný týraly ótinishke qosymsha qujattar berýden bosatý; tólem qabilettiligin qalpyna keltirý jospary bekitilgennen keıin boryshkerdiń shetelge shyǵýyna tyıymdy alyp tastaý. Árıne, bankrottyqqa ushyraý barlyq máseleni sheshe bermeıdi, kópshiligi bankrottyqtyń saldaryn jaqsy túsinedi. Bul jerde 5 jylǵa deıin jańa nesıe ala almaıdy, úsh jylǵa deıin qarjylyq jaǵdaıyn tıisti organdar monıtorıngten ótkizedi. Bul jerde túsindirý jumystary oń yqpal etedi», - dedi Erulan Jamaýbaev.

Aıta keteıik, búgin Májiliste «Halyqtyń shamadan tys kredıt alyn azaıtý jáne qarjylyq saýattylyqty arttyrý» taqyrybynda Parlament tyńdaýy ótti.