Bankrottyq rásiminiń qandaı saldary bar

<p>ASTANA. KAZINFORM &ndash; Bankrottyq rásimi jasalǵannan keıin adamdarǵa keltiriletin belgili bir saldarlar bar. Bul týraly Memlekettik kirister komıteti tóraǵasynyń orynbasary Seıiljan Ahmetov aıtty.</p>

«Bankrottyqtan keıin paıda bolatyn saldarlar bar. Sot jáne sottan tys bankrottyqty qoldanatyndar:

- bankterden jáne mıkroqarjy uıymdarynan bes jyl boıy nesıe ala almaıdy (lombardtardan shaǵyn nesıe alýdan basqa);

- jeti jyldan keıin ǵana bankrottyq týraly qaıta ótinish bere alady;

- olardyń qarjylyq jaǵdaıy bankrottyqtan keıin úsh jyldan keıin tekseriledi.

Bankrottyqtyń saldary bar ekenin árkim túsinýi kerek. Tólem qabilettiligi qalpyna keltirilgende mundaı saldarlar bolmaıdy», - dedi Seıiljan Ahmetov OKQ alańynda ótken baspasóz máslıhatynda.

Sondaı-aq, spıker tólem qabilettiligin qalpyna keltirý — sotta qaryzdardy bólip tóleý (5 jylǵa deıin) múmkindigin kózdeıtin rásim ekenin atap ótti. Bul rette qalpyna keltirý jospary qarjy basqarýshysymen birlesip ázirlenedi jáne sotta bekitiledi.

Bul protsedýranyń artyqshylyǵy - odan keıin adam «bankrot» mártebesinde qalmaıdy, sondyqtan oǵan bankrot úshin kózdelgen saldarlar qoldanylmaıdy.

Aıta keteıik, 2023 jyldyń 3 naýryzynda elimizde jeke tulǵalardyń bankrottyǵyn rásimdeýge ótinish qabyldaý bastaldy. 

Sodan beri elimizde 17,9 myń azamat bankrot dep tanyldy. 

Sondaı-aq, jeke tulǵalardyń bankrottyǵy týraly jańa «Qoldaý» aqparattyq júıesi iske qosyldy.

Odan bólek, sottan tys bankrottyq rásiminen ótý úshin qandaı sharttar bary aıtyldy.