Bankrot jeke tulǵanyń portreti jasaldy

<p>Qarjy mınıstrliginiń Memlekettik kirister komıteti osy jyldyń statıstıkasy negizinde bankrot jeke tulǵanyń portretin jasady. Bul týraly <a href="https://kaz.inform.kz/" target="_blank" rel="noopener">Kazinform</a> QR QM Memlekettik kirister komıtetiniń baspasóz qyzmetine silteme jasap habarlaıdy.&nbsp;</p>

Búgingi kúnge 5 myńdaı azamat qarjylyq uıymdar aldynda bankrot dep tanyldy. Olar 5 jyldan astam ýaqyt boıy bereshegin tólemeı júrgen 58% er jáne 42% áıel azamattar.

Qazirgi tańda 6,2 myńǵa jýyq sottan tys bankrottyq rásimin qoldanýǵa ótinish qabyldandy, onyń 58%-y erler jáne 42%-y áıelder.

Bankrot dep tanylǵan tulǵalardyń ortasha jasy 36-dan 45 jasqa deıin. Bular jalpy bankrottardyń 35%-yn quraıdy. Eń jasy - 19 jasta, eń egdesi – 76 jasta.

Mundaı sanatqa jatatyn azamattar turaqty jumys istemeıdi, ıaǵnı, olardyń óz bereshegin óteýge qarajaty bolmaıdy.
Sondaı-aq QNRDA-men birge halyqtyń qaryzdyq aýyrtpalyǵyna jol bermeý boıynsha zańnamalyq jumys júrgizilip jatyr. Atap aıtqanda, qaryzdardy alý talaptaryn qatańdatý josparlanýda, onyń ishinde merzimi 90 kúnnen asyp ketken qaryzy barlarǵa tyıym bar.