Bankaralyq esep aıyrysý ortalyǵy Ulttyq tólem korporatsııasy bolyp ózgerdi

«Qazaqstan bankaralyq esep aıyrysý ortalyǵy» RMK (QBEO) qaıta qurý jolymen Ulttyq tólem korporatsııasy bolyp qaıta quryldy, dep habarlaıdy QazAqparat Qazaqstan Ulttyq Banki saıtyna silteme jasap.

Ulttyq Banktiń erejesi men qurylymyna, sondaı-aq QUB enshiles uıymdarynyń quramyna tıisti ózgerister engizildi. UTK qurý QUB dırektorlar keńesiniń qaýlysymen bekitilgen.

Ulttyq tólem korporatsııasy naryqtyń barlyq qatysýshysy úshin teń qoljetimdilik qaǵıdaty boıynsha ulttyq tólem júıesiniń úzdiksiz jumys isteýin jáne damýyn qamtamasyz etedi.

UTK QBEO-nyń zańdy murageri bolyp tabylady jáne tólem naryǵyna qatysýshylar úshin servısterdiń qoljetimdiligin qamtamasyz etýdi jalǵastyrady, onyń ishinde bankaralyq klırıng, bankaralyq tólemder men aqsha aýdarymdaryn júrgizý boıynsha qyzmetterdi kórsetip, qashyqtan tsıfrlyq sáıkestendirýdi júzege asyrady.

UPK fýnktsııalary men mindetterine tsıfrlyq qarjylyq ınfraqurylymdy odan ári damytý da, onyń ishinde «Tsıfrlyq teńge», Open Banking jobalaryn iske asyrý arqyly kiredi.

QBEO-ny Ulttyq tólem korporatsııasy etip qaıta qurý eldegi tólem ınfraqurylymynyń tıimdiligin, qaýipsizdigi men turaqtylyǵyn odan ári arttyrýǵa, sondaı-aq ınnovatsııalyq ónimderdi engizip, qarjy sektoryn tsıfrlandyrý qarqynyn jedeldetedi.