Bank sektorynda ózgerister bolyp jatyr - Oleg Smolıakov

NUR-SULTAN. QazAqparat - Bıylǵy 4 aıda teńgedegi depozıtter 5,8 paıyzǵa ósti. Bul týraly Parlament Senatynyń jalpy otyrysynda QR Ulttyq banki tóraǵasynyń orynbasary Oleg Smolıakov málim etti, dep habarlaıdy QazAqparat tilshisi.

«Shetel valıýtasyndaǵy salymdardy teńge salymdaryna aýystyrý úrdisi jalǵasýda. Teńgedegi depozıtter ótken jyly 4,5 paıyzǵa, al aǵymdaǵy jyldyń 4 aıynda taǵy da 10,1 trln teńgege deıin, ıaǵnı 5,8 paıyzǵa ósti. Nátıjesinde, depozıtterdiń jalpy kólemi 17,1 trln teńgege jetti, al depozıtterdiń dollarlanýy 2019 jylǵy sáýirdiń qorytyndysy boıynsha 41 paıyzǵa deıin tómendedi», - dedi Qazaqstan Ulttyq banki tóraǵasynyń orynbasary.

O. Smolıakovtyń aıtýynsha, elimizdiń bank sektorynda aıtýly ózgerister bolýda. Jumys istemeıtin qaryzdardyń kólemi 20 paıyzǵa jýyq tómendedi. Aǵymdaǵy jyly bank sektoryn saýyqtyrý protsesi jalǵasady.

Bul rette ol jańa kredıtter berý ótken jyldyń osyndaı kezeńimen salystyrǵanda, bıylǵy 4 aıda 10,3 paıyzǵa ulǵaıǵanyn atap ótti.

Budan buryn habarlanǵandaı, ınflıatsııanyń turaqtanýy Ulttyq bankke bazalyq stavkany tómendetýge múmkindik bergenin atap ótti.