Bank sektorynan jappaı depozıtin alyp ketý faktileri bolǵan joq - Ulttyq bank
«Qarjylyq turaqtylyqty qamtamasyz etý úshin salymshylardyń qarajatyn saqtaý - Ulttyq banktiń basty basymdyǵy. Belgisizdiktiń joǵary bolýyna qaramastan, qańtardyń basyndaǵy qıyn kúnderde bank sektorynan depozıtterdiń áketilýi bolǵan joq. Mysal retinde keltirsek, osy jyldyń basynan bastap jeke tulǵalardyń salymdary 13,5 trln teńgege deıin (32 mlrd teńgege) ósti. Memleket qoldanystaǵy zańnamaǵa sáıkes halyq salymdarynyń saqtalýyn qamtamasyz etetinin rastaǵym keledi», - dedi ol Prezıdenttiń bıznes ókilderimen kezdesýinde.
Erbolat Dosaevtyń aıtýynsha, salymshylardyń senimin arttyrý úshin olardyń aqshasynyń saqtalýyn qamtamasyz etý boıynsha qosymsha shara retinde jınaq depozıtterge kepildik berý somasy 15 mln teńgeden 20 mln teńgege deıin ósirildi.
«Bul norma 2021 jylǵy jeltoqsanda siz qol qoıǵan zańǵa sáıkes osy jylǵy 11 qańtardan bastap qoldanysqa engizildi», - dedi Erbolat Dosaev.