Bank ǵımaratynda kepilde bolǵan adamdardyń úsheýi shok aldy

ASTANA. QazAqparat – Astana qalasynyń qoǵamdyq densaýlyq saqtaý basqarmasy búgin elordadaǵy bankterdiń birinde kepilge alynyp, keıin bosatylǵan adamdardyń densaýlyq jaǵdaıyna qatysty málimdeme jasady, dep habarlaıdy QazAqparat tilshisi.

«18 maýsymda er adam elordalyq bankte adamdardy kepilge aldy. Olardyń arasynda jaraqat alǵandar joq. Jedel medıtsınalyq kómek qyzmetkerleri 3 adamdy tekserý kezinde olardyń qatty kúızeliske túskenin anyqtady. Kepilge alynǵan adamdardy aýrýhanaǵa jatqyzýdyń qajettiligi joq», - delingen basqarmanyń baspasóz qyzmeti tartqan habarlamada.

Eske salaıyq, elordadaǵy Kaspi banktiń ǵımaratynda qarýlanǵan er adam birneshe kisini kepilge alǵanyn habarlap edik.

Polıtsııa qyzmetkerleri kepilge alynǵan adamdardy bosatty.

Іshki ister mınıstri Marat Ahmetjanov qazir kúdiktige qatysty tergeý amaldary júrip jatqanyn málim etti.