Bank ǵımaratyna shabýyldaýshy ápkesiniń emine aqy talap etti - kýáger
«18 maýsym, túski as ýaqyty boldy. Maǵan kezekshi qońyraý shalyp, kepilge alý týraly qońyraý túskenin aıtty. Men óz kóligimmen oqıǵa ornyna bardym. Jol-jónekeı qansha adam kepilge alynǵanyn anyqtadym, 10-15 mınýt ishinde jettim. Oqıǵa ornynda polıtsııa qyzmetkerleri jáne kóp adam boldy. Birazdan soń men oq ótpeıtin jıletpen (bronejılet) Álıhanmen (aıypty) baılanys ornatý úshin BAQ ókili retinde ǵımaratqa kirdim. Senimge kirý úshin Álıhan oq ótpeıtin jıletti sheshýdi ótindi, men jıletti sheship tastadym. Tergeý málimetterine sáıkes, az qamtylǵan jáne múgedek balalarǵa bank aktsııalaryn aýdarý týraly talaptardan basqa, ol ápkesiniń emdelýine qarjylyq kómek kórsetýdi suraǵan», - dedi sot barysynda kýáger.
Aıta keteıik, sot otyrysy aldynda sýdıa kýágerler men zardap shekkenderge qatysty jeke málimetterdi (aty-jóni, qyzmeti, t.b.) jarııalaýǵa tyıym saldy. Sot otyrysy búgin saǵat 15:00-de jalǵasady.
Eske sala ketsek, bıyl 18 maýsymda qarýlanǵan er adam elordadaǵy Kaspi bank ǵımaratynda birneshe kisini tutqynda ustap otyrdy.
Araǵa ýaqyt salyp atalǵan banktiń baspasóz qyzmeti ǵımaratta klıentterdiń joqtyǵyn jáne polıtsııa qyzmetkerleriniń kúdiktimen kelissóz júrgizip jatqanyn málimdedi.
Oqıǵa ornyna Іshki ister mınıstri Marat Ahmetjanov bardy.
Polıtsııa qyzmetkerleri kepildegi azamattardy bosatyp aldy.
23 tamyzda Kaspi Bank ǵımaratyna jasalǵan shabýyl boıynsha qylmystyq is sotqa jetkenin habarlaǵan edik.
Aıta keteıik, 29 tamyzda ótken alǵashqy sot otyrysynda Kaspi Bank ǵımaratyn basyp alǵan jigit onyń aldynda ózin óltirý úshin dári ishkeni belgili boldy.