Bangladeshtegi stýdentterdiń narazylyǵy: ondaǵan adam qaza tapty, júzdegen adam jaraqat aldy

<p>ASTANA. KAZINFORM &mdash; Bangladesh bıligi búkil elde joǵary qaýip rejımin engizdi. Internet barlyq jerde úzilgen, keıbir aýdandarda telefon jelileri jumys istemeıdi. Mundaı sharalar birneshe kúnnen beri jalǵasyp kele jatqan stýdentter narazylyǵyna qatysty. El astanasy Dakkada sherýshiler men polıtsııa arasyndaǵy qaqtyǵys saldarynan ondaǵan adam qaza taýyp, júzdegen adam jaralandy, dep jazady <a href="https://www.bbc.com/russian/articles/c903w28nnezo" target="_blank" rel="noopener">VVS.</a></p>

Beısenbi kúni Dakkada BTV memlekettik telearnasynyń ǵımaraty órtendi.

Bangladesh aqparat mınıstri habar taratý toqtatylǵanyn jáne qyzmetkerlerdiń kópshiligi ǵımarattan shyǵarylǵanyn habarlady.

Foto: BBC

Stýdentter 1971 jylǵy Pákistannan táýelsizdik soǵysy ardagerleriniń týystaryna memlekettik sektordaǵy jumys oryndarynyń úshten biri saqtalǵan júıeni ózgertýdi talap etip kóshege shyqty.

Stýdentter qoldanystaǵy tártipti kemsitýshilik dep ataıdy jáne árbir jeke úmitkerdiń biliktiligi negizinde jumysqa qabyldaýdy talap etedi.

Úndistandaǵy Bangladesh stýdentterimen yntymaqtastyqtyń belgisi retinde júzdegen adam kóshege shyqty. Búkil Úndistannyń demokratııalyq stýdentter uıymy (AIDSO) Kalkýttada jappaı sherýler uıymdastyrdy.