Bangladesh IYU-dan Mıanma musylmandarynyń máselesin sheshýdi surady

ASTANA. QazAqparat -Mıanmadaǵy musylmandar jappaı Bangladeshke kóship jatyr. Búgin Islam yntymaqtastyǵy uıymynyń ǵylym jáne tehnologııalar jónindegi birinshi sammıtinde atalǵan eldiń basshysy Abdýl Hamıd bosqyndarǵa kómek berý jaǵynan qoldaý jasaýdy surady, dep habarlaıdy QazAqparat.

«Bangladesh osy problemanyń bel ortasynda otyr. Sebebi kórshi jatqan Mıanmadaǵy musylmandar jappaı bizdiń terrıtorııaǵa kóship jatyr. Osyǵan baılanysty men barsha álem qaýymdastyǵyn, ásirese, Islam yntymaqtastyǵy uıymyn kómek berýge úndeımin. Olardyń problemasyn sheshý kerek. Musylmandardyń osy toby týǵan jerlerine oralýy tıis. Olardyń zańdy quqyqtaryna, sonyń ishinde qaýipsizdigi men turaqty ómirine kepildik berilýi shart», - dep atap kórsetti Abdýl Hamıd.

Aıta keteıik, sammıt kezinde Túrkııa basshysy Redjem Taıyp Erdoǵan musylmandar arasyndaǵy bilim berý máselesin kóterdi. Sebebi búginde álem boıynsha musylmandardyń jartysy  saýatsyz .  Sondaı-aq, ol barshy musylmandardy Mıanmadaǵy shıelenisti birlesip sheshýge shaqyrdy .