Bangladesh armııasy Sheıh Hasınaǵa baǵynýdan jáne narazylyqty basýdan bas tartty

<p>ASTANA. KAZINFORM - Bangladeshtiń burynǵy premer-mınıstri Sheıh Hasına jappaı narazylyqtar kezinde elden ketip bara jatqan túni onyń armııasynyń basshysy generaldarymen kezdesip, áskerler komendanttyq saǵatty oryndaý úshin beıbit turǵyndarǵa oq atpaıdy dep sheshti, dep jazady<a href="https://reuters.com/world/asia-pacific/bangladesh-army-refused-suppress-protest-sealing-hasinas-fate-2024-08-07/" target="_blank" rel="noopener"> Reuters</a>.</p>

Reuters agenttiginiń habarlaýynsha, el armııasynyń generaly Vaker-Ýz-Zaman Hasınanyń keńsesine habarlasyp, premer-mınıstrge onyń sarbazdary komendanttyq saǵat talaptaryn oryndamaıtynyn habarlady.

Jeksenbi kúni jalpyulttyq qaqtyǵystarda kem degende 91 adam qaza taýyp, júzdegen adam jaraqat alǵan soń, elde komendanttyq saǵat engizildi. Bul shildede Hasınaǵa qarsy stýdentter narazylyǵy bastalǵannan bergi eń qaıǵyly kún bolyp sanalady.

Hasına Bangladeshti 20 jyl basqardy. Ol myńdaǵan oppozıtsııa jetekshileri men jumysshylary qamaýǵa alynǵannan keıin qańtarda 170 mıllıon halqy bar eldi basqarý úshin tórtinshi merzimge saılandy. Bul saılaýǵa onyń negizgi oppozıtsııasy boıkot jarııalady.

Esterińizge sala keteıik, buǵan deıin Bangladesh premer-mınıstri narazylyq aktsııalary kezinde otstavkaǵa berip, elden ketip qalǵanyn jazǵan bolatynbyz.

Keıinirek Hasınanyń Ulybrıtanııadan baspana suraǵany belgili boldy.

5 tamyzda elde ýaqytsha úkimet qurylyp, parlament taratyldy. Bir kúnnen keıin Nobel syılyǵynyń laýreaty professor Muhammed ıÝnýs ýaqytsha úkimetti bas keńesshi retinde basqarýǵa kelisti.

Qazaqstan Respýblıkasynyń Syrtqy ister mınıstrligi QR azamattaryna atalǵan elge ahýal turaqtanǵanǵa deıin barýdan ýaqytsha bas tartýdy usyndy.