Bangkokta alty úndistandyq haıýanattar baǵyndaǵy janýarlardy zańsyz áketpek bolǵan

<p>ASTANA. KAZINFORM &mdash; Taıland kedenshileri qyzyl panda men basqa da janýarlardy elden zańsyz alyp ótpek bolǵan alty Úndistan azamatyn ustady. Bul týraly <a href="https://www.bbc.com/russian/articles/cll5j153lg3o" target="_blank" rel="noopener">BBC</a> jazdy.&nbsp;</p>

Kedenshiler 87 janýardyń, onyń ishinde jylandar men totyqustar tabylǵanyn aıtty. Kúdiktiler bul «haıýanattar baǵyn» Bangkoktan Mýmbaıǵa ushatyn reıske zańsyz alyp ótpek bolǵan.

Kontrabandashylar kináli dep tanylsa, 10 jylǵa deıin bas bostandyǵynan aıyrylýy múmkin.

Taıland kedenshileri sebettegi qyzyl pandanyń, sondaı-aq plastık ydysqa salynǵan totyqustyń sýretin jarııalady.

Álemdik qara naryqta satylatyn janýarlardyń edáýir bóligi Taıland arqyly tasymaldanady. Olar ádette Qytaı men Vetnamǵa jóneltiledi, biraq keıingi jyldary Úndistanǵa kontrabandalyq jolmen kóbirek janýarlar ákelinip júr.

Qyzyl pandalar Qytaıdyń, Úndistannyń, Nepaldyń, Býtannyń jáne Mıanmanyń taýly ormandaryn mekendeıdi. Olardy aýlaýshylardyń kóptiginen jáne tirshilik etý ortasynyń buzylýynan jabaıy tabıǵatta tirshilik etýine qaýip tónip tur. Qazir olardyń sany 10 myńnan az.