«Banandaǵy vırýstan 23 adam qaıtys boldy» – feık

<p>Qaznet qoldanýshylary Qytaıdyń Sınhýa qalasyndaǵy aýrýhanada 23 adamnyń ólimine sebep bolǵan &laquo;N7N90&raquo; jańa vırýsy týraly aqparat taratyp jatyr. Onda aýrýdyń qozdyrǵyshy bananda bolatyny aıtylǵan.&nbsp;<a href="https://stopfake.kz/kk/archives/3865" target="_blank" rel="noopener">Stopfake.kz</a>&nbsp;anyqtaǵandaı, bul Reseı men Ýkraınada jyl basynda taraǵan eski feık, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>.</p>

«Keshe túnde Sınhýa aýrýhanasynda N7N90 vırýsyn juqtyrǵan 23 adam qaıtys boldy. Jasy eń úlkeni – 35-te, eń kishisi bir jasta edi. Olarmen baılanysta bolǵan dárigerler karantınge jatqyzyldy. Eldiń basty arnasynyń jańalyqtarynda banandy, ásirese ońtústikten ákelingenin satyp almaýǵa keńes berildi. Bul habarlamany alǵan boıda et-jaqyndaryńyzǵa, eń durysy toptyq chattarǵa jiberińiz. Óz densaýlyǵyńyz úshin taratyńyzdar, ótinish. Banan jeýdi azaıtyńyz!», – delingen habarlamada.

Stopfake málimetinshe, osy mátindi bıylǵy jyl basynda Reseı men Ýkraına qoldanýshylary bir-birine taratqan. Alaıda, bul aqparatqa rastaý tabylmady.

«Sonymen qatar N7N90 degen vırýs joq. Bul jerde qus tumaýy vırýsynyń shtamy jaıly aıtylǵan bolar – H7N9. Ol aýa-tamshy jolymen beriledi. Aýrýdyń qozdyrǵyshy jemisterdiń ishinde ómir súre alatyndyǵy jáne olar arqyly beriletini týraly málimetter joq.

Qus tumaýynyń oshaqtary 2013 jyly Nıderland, Italııa, Kanada, Amerıka Qurama Shtattary, Meksıka jáne Ulybrıtanııada tirkeldi. Kóp jaǵdaıda ınfektsııa úı qustarynan tabylǵan. Nıderlandta bir adam qaıtys boldy, basqa jaǵdaılarda aýrý konıýnktıvıt jáne joǵary tynys joldarynyń jeńil ınfektsııasy túrinde ótken», – delingen feık málimetterdi áshkereleıtin saıtta.