Balyq aýlaýǵa shyqqan azamat Syrdarııaǵa batyp ketti

QYZYLORDA. QazAqparat - Qyzylorda turǵyny, balyq aýlaýǵa shyqqan 46 jastaǵy azamat Syrdarııa ózenine batyp ketti, dep habarlaıdy QazAqparat tilshisi.

Oqıǵa keshe, 7 shildede saǵat 23.00 shamasynda boldy. 1975 jylǵy azamat oblys ortalyǵyndaǵy «Rısmash» aýmaǵynda Syrdarııaǵa balyq aýlaýǵa shyǵyp, sýǵa batyp ketken.

«Oblystyq tótenshe jaǵdaılar departamentine qarasty jedel qutqarý jasaǵynan 4 qutqarýshysy 1 tehnıkamen jáne sýǵa júzý qaıyǵymen oqıǵa ornyna bardy. Іzdeý sharalary nátıjesinde azamattyń máıiti búgin, 8 shildede saǵat 6.05-te sýdan shyǵaryldy», - dep málim etti oblystyq tótenshe jaǵdaılar departamenti órt sóndirý jáne avarııalyq qutqarý jumystary qyzmetiniń mamany Álııa Erejepova.

Eske salsaq, buǵan deıin Qaıyqtan aýdarylǵan turǵyn Aral teńizine batyp ketkenin habarlaǵan bolatynbyz.