«Balýan Sholaq» fılminiń treıleri jarııalandy
«Súıinshi, aǵaıyn! Mádenıet jáne sport mınıstri laýazymyna Arystanbek Muhamedıulynyń tikeleı tapsyrysymen Qazyǵurt» kınostýdııasy túsirgen «Balýan Sholaq» kórkem fılmi jaryqqa shyǵady», - dep jazdy Mádenıet jáne sport mınıstrliginiń baspasóz hatshysy Aıdar Qyryqbaı óziniń feısbýk paraqshasynda fılmniń treılerin jarııalaı otyryp.
Eske sala ketsek, fılm rejısseri Nurgeldi Sadyǵulov budan buryn QazAqparat tilshisine «Balýan Sholaq» fılmi jaıly tolyǵyraq aıtyp bergen bolatyn.
«Balýan Sholaq» fılmi 18 sáýirde jalpyulttyq prokatqa shyǵady. Kıno túsirilimi barysynda grafıka jaǵynan qınaldyq. Sebebi, akter Erkebulan Daıyrovtyń saýsaqtaryn «kesý» kerek boldy. Ár kadrda tutas saýsaqtary kórinip qalǵannan keıin Balýan Sholaqqa uqsatý úshin árbir kadr boıynsha jeke grafıkalyq jumys atqarýǵa týra keldi. Fılm 2017 jyly túsirile bastady. Sóıtip, sol jyldyń kúzinde montajǵa kirisip kettik. Ótken jyly montaj aıaqtalǵannan keıin dál osy grafıkalyq jumystar birshama ýaqytymyzdy aldy», - deıdi Nurgeldi Sadyǵulov.