Balýan qyz Jámıla Baqbergenova «Jyldyń úzdik sportshysy» atandy

ASTANA. QazAqparat – Astana qalasyndaǵy «Qazmedıa» ortalyǵynda sport salasyndaǵy jyldyń tańdaýly júldesi – «Jeńimpaz rýhy» ulttyq syılyǵynyń jeńimpazdary anyqtaldy, dep habarlaıdy QazAqparat tilshisi.

«Sportty damytý dırektsııasy» RMQK-nyń baspasóz qyzmetinen málim etkenindeı, saltanatty kesh barysynda QR Mádenıet jáne sport mınıstrligi úzdik sportshylar, bapkerler, sala men túrli mekemelerdegi tańdaýly mamandardy, sportshylardy marapattady.

Qazylar alqasy 14 atalym boıynsha 20 úzdikti anyqtady.

Jazǵy sport túrleri boıynsha balýan, áıelder kúresinen 2021 jáne 2022 jylǵy álem chempıonatynyń kúmis júldegeri Jámıla Baqbergenova «Jyldyń úzdik sportshysy» atandy. Qysqy sporttan 2022 jylǵy Beıjiń paralımpıada oıyndarynyń qola júldegeri, bıatlonshy Aleksandr Gerlıtstiń aty ozdy.

Sondaı-aq myna atalymdar boıynsha úzdikter marapattaldy:

«Jyldyń úzdik jattyqtyrýshysy» – Nursultan Temirov (jazǵy) pen Anton Jdanovıch (qysqy);

«Jyldyń úzdik akkredıttelgen sport federatsııasy» – Ulttyq konkı tebýshiler federatsııasy;

«Jyldyń úzdik sport mekemesi» – Atyraý oblysy «Múgedekterdiń sport uıymy»;

«Jyldyń úzdik sport óńiri» – Qaraǵandy oblysynyń dene shynyqtyrý jáne sport basqarmasy;

«Aýyldaǵy úzdik jattyqtyrýshy» – Dastan Balabekov (Jetisý oblysy);

«Dene shynyqtyrý jáne sport bóliminiń úzdik mamany» – Irına Novıkova men Elena Galıts (Astana);

«Jyldyń úzdik balalar jattyqtyrýshysy» – Samat Sapıshev (Shymkent);

«Oıyn túrleri boıynsha úzdik sport komandasy» – «Qýanysh» voleıbol klýby (SQO);

«Aýyldaǵy úzdik dene shynyqtyrý jáne sport bóliminiń ádiskeri» –Bekjan Adambekov (Túrkistan oblysy);

«Jyl jańalyǵy – úzdik sportshy» – Elena Rybakına;

«Jyldyń úzdik metsenaty» – Qaıyrbek Hamzın (SQO);

«Jastar men jasóspirimder arasyndaǵy úzdik sportshy» – Alan Qurmanǵalıev (ústel tennısi), Evgenıı Fedorov (velosport), Marııa Brovkova (kanoeda eskek esý);

«Seıdahmet Berdiqulov atyndaǵy úzdik sport jýrnalısi» atalymy – Aslan Qajenov (úzdik televızııalyq reportaj), Ǵalym Súleımen (úzdik fotoreportaj), Bek Tóleýov (úzdik jarııalanym).

Eske sala keteıik, budan buryn Elena Rybakınanyń «Altyn adam» syılyǵynyń laýreaty atanǵanyn jazǵan bolatynbyz.

Sondaı-aq qazaqstandyq Eýropadaǵy úzdik jas tennısshi atandy.

Elena Rybakına Dýbaıda ekinshi jeńisine qol jetkizdi.