Balýan qyzdarymyzdyń babynda emestigi kórinip qaldy – Elsııar Qanaǵatov

<p>ASTANA. KAZINFORM &ndash; Qyrǵyzstan astanasy Bishkek qalasynda kúres túrlerinen ótken Azııa aımaqtyq irikteý týrnırine balýan qyzdarymyz babynda barmaǵyny kórinip qaldy.&nbsp; Bul týraly KAZINFORM tilshisine Olımpıada oıyndaryna daıyndyq jónindegi shtab basshysy Elsııar Qanaǵatov aıtyp berdi.</p>

«Lıtsenzııalyq týrnırge alty balýan qyzymyz attandy. Ókinishke qaraı bir de biri joldamaǵa qol jetkize almady. Bul burymdy balýandarymyzdyń atalǵan týrnırge babynda barmaǵyny dep bilemin. Óz basym Jámıla Baqbergenovaǵa qatty úmit artqan edim. Alaıda, úmit aqtalmady. Endi aldaǵy mamyr aıynda Túrkııada kúres túrlerinen álemdik irikteý saıysy ótedi. Bishkekte tek, fınalǵa shyqqan balýandarǵa joldama berilse, Túrkııada úshinshi oryn alǵan júldegerge de Parıjǵa barýǵa múmkindik beriledi. Endi qyzdarymyz sol básekege joǵary daıyndyqta barý kerek», - dedi shtab basshysy.

Sonymen qatar shtab basshysyna «Bishkekte joldamaǵa qol jetkize almaǵan balýandar Túrkııaǵa taǵy bara ma, álede basqa balýandar barama» degen saýal qoıǵan edik.

«Ol jaǵyn bapkerler keńesi sheshedi. Qazirgi tańda bul másele sheshilip jatyr», - dep qysqa qaıyrdy Elsııar Qanaǵatov.

Esterińizge sala ketsek, Bishkekte ótken irikteý týrnırinde qazaq qyzdarynan úsh balýanymyz jartylaı fınalaǵa deıin súrinbeı jetip, joldama sarapqa salynatyn sheshýshi synda qarsylastaryna jol bergen edi.

Atap aıtsaq, álem chempıonatynyń 3 márte júldegeri, 76 kelidegi Jámıla Baqbergenova sheshýi beldesýde Qytaı balýany Vangke 1:6 esebimen jeńilse, 50 keli salmaqta Laýra Ǵanıqyzy sheshýshi sátte Azııa chempıonatynyń 6 márte júldegeri Vanıshke 0:10 esebimen jol berdi. 

Al 53 kelidegi ulttyq quramanyń tájirıbeli balýany Juldyz Eshımova jartylaı fınalda Soltústik Koreıa balýany Hıýgýng Choǵa 0:4 esebimen utyldy.Osylaısha jartylaı fınalǵa shyqqan úsh balýan qyzymyzdyń úsheýi de Azııa qurlyǵynyń irikteý jarysynda joldamaǵa qol jetkize almady.