Baltyq jaǵalaýy elderi karantın talaptaryn jeńildete bastady

NUR-SULTAN. QazAqparat - Baltyq jaǵalaýy elderi pandemııaǵa baılanysty engizilgen karantınniń qatań talaptaryn toqtatty. Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap habarlaıdy.

Estonııa úkimeti COVID-19-ǵa qarsy kúres júrgizý úshin engizilgen shekteýlerdi jeńildetpek. Buǵan eldegi halyqty jappaı vaktsınalaý naýqanynyń qarqyn alǵandyǵynyń nátıjesinde qol jetkizildi. Endi ǵımarattarda ótetin sharalarǵa qatysatyn adamdardyń sanyn 600-ge deıin arttyrýǵa ruqsat etilgen. Bul rette ǵımarattar júktemesiniń 50% aspaýyna, adamdardyń arasyndaǵy araqashytyqqa qoıylatyn talaptar saqtalýy kerek. Ashyq oryndarda 1000 adamnyń otyrýyna ruqsat etiledi. Joǵary deńgeıdegi sporttyq sharalardy jabyq, jáne ashyq oryndarda ótkizýge de bolady. Dúkender men qyzmet kórsetýshi kompanııalarǵa, eger oryn tolýy 50% aspaıtyn jaǵdaıda, ruqsat etiledi.