Baltyq elderi men Mysyrda daýys berý bastaldy

ASTANA. QazAqparat - Vılnıýs, Tel-Avıv, Afıny, Sofııa, Býharest, Tallın, Helsınkı, Rıga qalalarynda daýys berý ýchaskeleri óz jumysyn bastady, dep habarlaıdy QazAqparat SІM silteme jasap.

Sonymen qatar Kaır men Pretorııada saılaý ýchaskeleri ashyldy.

Buǵan deıin habarlaǵanymyzdaı, Astana ýaqytymen tańǵy saǵat 4-te Seýlde №258 jáne Tokıoda №261 saılaý ýchaskeleri álemde birinshi bolyp ashyldy.

Ońtústik Koreıadaǵy QR azamaty kýrsant Asanov Elnýr birinshi bolyp daýys berdi.

QR Konstıtýtsııasyna sáıkes, Parlament Májilisi aralas saılaý júıesi boıynsha Konstıtýtsııalyq zańda belgilengen tártippen saılanatyn 98 depýtattan turady. Biryńǵaı jalpyulttyq saılaý okrýgi aýmaǵy boıynsha, ıaǵnı partııalyq tizim boıynsha Májilistiń 69 depýtaty, bir mandatty aýmaqtyq saılaý okrýgteri boıynsha – 29 depýtat saılanady.

19 qańtarda Memleket basshysy Qasym-Jomart Toqaev jetinshi saılanǵan QR Parlamentiniń Májilisin taratý jáne 19 naýryz kúni Parlament Májilisi depýtattarynyń kezekten tys saılaýyn taǵaıyndaý týraly Jarlyqqa qol qoıǵan edi. Bul kúni Májilispen qatar máslıhat depýtattaryn da kezekten tys saılaý usynyldy.