Baltyq teńiziniń túbinde taǵy kabel aqaýy anyqtaldy

<p>ASTANA.KAZINFORM &mdash; Baltyq teńizinde Fınlıandııa men Estonııany baılanystyratyn teńiz astyndaǵy elektr kabeli zaqymdandy. Fınlıandııa bıligi bul oqıǵaǵa qatysty tergeý bastap, aqaýdyń qasaqana jasalýy da múmkin degen boljam jasady.&nbsp;</p>

Euronews telearnasynyń habarlaýynsha, sársenbi kúni tústen keıin Baltyq teńiziniń túbindegi Fınlıandııa men Estonııany jalǵaıtyn elektr symy úzilgen. Bul Baltyq teńizindegi telekommýnıkatsııalyq kabelder men energetıkalyq qubyrlardyń zaqymdanýyna baılanysty oqıǵalar serııasynyń sońǵysy.

Fınlıandııa premer-mınıstri Petterı Orpo «X» áleýmettik jelisindegi jazbasynda «Fınlıandııa men Estonııa arasyndaǵy Estlink 2 elektr jelisi búgin tústen keıin óshirilgenin» málimdedi.

Fınlıandııanyń ulttyq taratý jelisi operatory Fingrid málimdemesinde EstLink 2 kabeli jergilikti ýaqyt boıynsha 12:26–da (CET 11:26) úzilgenin aıtty. Kompanııa bul oqıǵa Fınlıandııada elektr qýatynyń úzilýine ákeletinin, Helsınkıde elektr qýaty jetkilikti ekenin aıtty.

Fingrid operatsııalar bóliminiń basshysy Arto Pahkın fındik Yle telearnasyna bergen suqbatynda «aqaý qasaqana jasalýy múmkin» degen boljam aıtty. Buǵan deıin Skandınavııa eliniń bıligin Baltyq teńizindegi sýasty ınfraqurylymynyń jaǵdaıy alańdatqan bolatyn. Qarasha aıynda eki baılanys kabeli kesildi, onyń biri Fınlıandııa men Germanııa, ekinshisi Lıtva men Shvetsııa arasynda ótedi.

Qazan aıynda «Fınlıandııa-Estonııa» teńiz astyndaǵy gaz qubyry sheteldik júk kemesi zákirden qulap, zaqymdanǵan.

«Soltústik aǵyn» gaz qubyry da 2022 jyldyń qyrkúıegindegi sý astyndaǵy jarylystardan zardap shekken bolatyn.

Eske sala keteıik, buǵan deıin Kaspıı teńiziniń túbine optıka tóseýge 1 100 tonna kabel qajet ekenin jazǵan bolatynbyz.