Balmuzdaq bir jyl ishinde birden 33% qymbattady
Bıylǵy qańtar-mamyr aralyǵynda balmuzdaq pen taǵamdyq muz óndirisi 19,7 myń tonna bolyp, bir jyl ishinde óndiris kólemi birden 40,3%-ke artqan.
2023 jyldyń mamyr aıynyń qorytyndysy boıynsha, balmuzdaq bir aıda 5%-ke qymbattady.
Salystyrý úshin aıta ketsek, byltyr mamyrda balmuzdaq baǵasy 2,7%-ke ǵana artqan bolatyn.
Óńirler boıynsha, Almatyda baǵa tek 1,1%-ge ósse, Túrkistan oblysynda 19,7%-ke qymbattady.
Balmuzdaq baǵasy Almaty oblysy men Astanada da aıtarlyqtaı óskeni baıqalady - 18,2% jáne 10,9%.
Al Jetisý, Qaraǵandy, Qyzylorda, Pavlodar jáne Soltústik Qazaqstan oblystarynda baǵa ózgermegen.
Bir jyl ishinde balmuzdaq baǵasy birden 32,7%-ke qymbattady, bul keıingi jyldarda tirkelgen eń kóp ósim. Óńirler boıynsha, Batys Qazaqstan oblysynda baǵa 79,7%-ke, Astanada 68,4%-ke, Almatyda 44,7%-ke artqan.
Baǵa shamaly ǵana kóterilgen aımaqtar – Pavlodar oblysy (jylyna 7,7%), Abaı oblysy (13,6%) men Almaty qalasy (18,6%).